O luns 17 de xuño ás 19.00 h teremos o encontro entre as escritoras María Isabel Cagiao Branco e Isabel Ramos Breijo na Biblioteca Municipal Fórum Metropolitano dentro do Programa #LunsDeEncontros.

Acceso libre ata completar a capacidade.

A escritora novel naronesa María Isabel Cagiao Branco presentará na biblioteca as súas dúas primeiras novelas, Gomets e Gomets II, la casa de encuentros.

Estas dúas obras foron publicadas pola editorial Diversidad Literaria en 2021 e 2022 e forman parte do que nun futuro próximo será unha triloxía. En palabras da propia autora, as novelas están a ter unha boa acollida entre o público lector, que adoita identificarse con algún dos personaxes, coa contorna e coa temática que abordan as obras.

Isabel Ramos Breijo, nada en Ortigueira, amante da escritura dende moi nova, comeza no mundo do teatro con Roberto Leal, para incorporarse máis tarde ás escolas de teatro de Narón con Luis Ramos, onde participa durante varios anos como parte activa do grupo TEN, co que representou varias obras. Alí coñeceu a María Jesús Guillén (Fusa), coa que fixo o curso de perfeccionamento. Colabora con diversas asociacións culturais e publicou os seus primeiros relatos na revista literaria Amigos da poesía e a literatura, de Narón. Ademais, colabora en distintos obradoiros literarios, entre outros, "Pluma encendida".

Presentará os seus dous libros "Hasta el infinito y más allá" e "El secreto de Andrea".