586 Cantos é un espectáculo audiovisual con música en directo producido polo Museo do Pobo Galego. Trátase dunha idea orixinal da Mostra Internacional de Cinema Etnográfico MICE Museo do Pobo Galego para poñer en valor o papel da poesía popular oral e das cantareiras, que protagonizarán o Día das Letras Galegas 2025, e para valorizar os arquivos que albergan o patrimonio inmaterial galego. A peza toma como punto de partida o Cancionero Popular Galego, froito do traballo de investigación de Dorothé Schubarth coa colaboración de Antón Santamarina. As fotografías, as gravacións sonoras orixinais, as partituras e outros materiais recompilados por Schubarth nas súas investigacións, custodiadas no Museo do Pobo Galego, son o punto de partida dunha posta en escena que combina a montaxe audiovisual realizada por Laura Piñeiro e Fran Rodríguez Casal, cineastas da Asociación Memoria e Cinema, coa música en directo de Richi Casás, Fran Barcia, Tania Caamaño e Antía Ameixeiras.

REPARTICIÓN DE INVITACIÓNS

• www.ataquilla.com
• Despacho de billetes da praza de Ourense (excepto festivos): de luns a venres de 11.00 a 15.00 h e de 16.30 h a 19.30 h.