Palabras nace da necesidade de lles dar continuidade aos proxectos de investigacion sobre a nosa lingua galega, Puño Puñete e Ris Ras. É un espectáculo que, coma nos anteriores, nos fará viaxar a través da música, dos xogos, enredos e historias tradicionais. Partindo de cantigas con xogos de repetición e de contos musicalizados, este é un espectáculo onde a palabra e as brincadeiras están presentes para levarnos á tradición oral galega.

A actividade desenvolverase no escenario do auditorio do Centro Ágora e haberá dous pases: 

• "Palabras", de Baobab Teatro, ás 17.00 h (auditorio)
• "Palabras" de Baobab Teatro, ás 18.30 h (auditorio)

Hai que se inscribir previamente na data e horario escollido en https://www.coruna.gal/lingua/gl/axenda/proximas-inscricions

Pídese puntualidade. Non se permitirá acceder ao auditorio unha vez que comece o espectáculo.

Organiza Normalización Lingüística do Concello da Coruña dentro do programa Apego.