A Asociación Cultural Sen Ánimo de Nome presenta a exposición de arte plástica "Sororidad" onde se mostra a obra das dúas pintoras coruñesas Beatriz Albadalejo e By Monty.

A mostra de arte entra dentro do proxecto 1+1Play Artistas en Microresidencia.

Inauguramos a expo o venres 23 de marzo na Casa Museo Casares Quiroga da Coruña ás 19.30 h. A expo estará aberta ao público ata o 5 de abril 2018 durante o horario de apertura do museo.

"Sororidad" é o resultado dun proceso espontáneo e á vez serio e responsable. Consecuencia do reflexo dunha sociedade machista que discrimina a figura da muller nunha multitude de realidades e casos. Unha exposición co seu contido reivindicativo, pero fresca e sorprendente no seu aspecto máis artístico. As pinceladas de Beatriz compleméntanse e enriquécense coas de Monty e viceversa. Dúas mulleres, dous mundos, dúas miradas que se unen e mesturan co obxectivo de dar unha mensaxe clara e de loita. Unha mensaxe evidente fronte a unha sociedade onde aínda son moitos e grandes os pasos que hai que dar para chegar a unha xusta e verdadeira igualdade de dereitos entre homes e mulleres. Unha mostra para recalcar a arte como ferramenta útil e básica para concienciar a comunidade fronte aos terribles problemas que vivimos e educar co fin de mellorarnos e mellorar a humanidade en xeral.

Invitadas ao acto de apertura tres mulleres que empeñan o seu traballo na mesma traxectoria da expo e que nos axudarán a internarnos no tema dunha forma máis íntima e exhaustiva. Adriana Cortés e Amparo Iglesias charlarán sobre a "Bendición do útero" e Cristina López Villar sobre as actividades desenvolvidas en Implicadas no desenvolvemento.