A asociación de makers Bricolabs organiza un ano máis a Feira OSHWDem (Open source Hardware Demonstration) de tecnoloxía aberta que se desenvolverá na Domus o vindeiro sábado 12 de outubro en horario de 10.00 a 19.00 horas. Por este motivo o museo científico terá entrada gratuíta.

A feira incluirá ao longo de toda a xornada multitude de actividades, como competicións nas que se poderán ver robots pelexando de xeito autónomo, resolvendo complexos labirintos a gran velocidade ou competindo entre eles en carreiras incribles.

Ademais haberá obradoiros sobre bixutería electrónica ou iniciación ás tecnoloxías libres e a exposición de multitude de proxectos, de maneira que todo o público que se achegue á Domus poderá atopar algo do seu interese.