Palexco acollerá mañá sábado, 22 de marzo, unha nova edición da Feira Matemática, organizada pola Asociación Galega do Profesorado de Educación Matemática (AGAPEMA), coa colaboración da Universidade da Coruña e o apoio do Concello da Coruña.

Ao longo de toda a xornada estudantes de centros educativos da provincia participarán nesta decimo oitava edición, que leva por lema "A maxia das matemáticas". A feira  abrirá a súas portas ás 11.00 h e está dirixida a alumnado de infantil, primaria, secundaria, bacharelato, FP e tamén ao público xeral. 

Instalaranse unha trintena de postos atendidos por estudantes, que presentarán proxectos, xogos e experiencias matemáticas desenvolvidas nas aulas baixo a coordinación do profesorado. Ademais, haberá obradoiros, concursos e actividades participativas para todas as idades. 

A feira realízase con motivo do Día Escolar das Matemáticas, e busca achegar esta disciplina á sociedade dun xeito entretido e práctico, favorecendo a aprendizaxe colaborativa e a implicación das familias. 

A entrada é libre e espérase unha importante influencia de visitantes ao longo do día.