A partir das 12.00 h deste luns 23 de marzo, comezará a proposta de lecer en liña "Xaque ao virus" que levarán a cabo as e os educadores dos programas de lecer da Federación Provincial das ANPA.

É unha proposta para o fomento da saúde tanto mental como física adaptada á situación do confinamento familiar no que a sociedade española está inmersa debido á pandemia provocada polo coronavirus. Esta proposta está orientada a todas e todos os escolares inscritos nos programas municipais Deporte no centro 2020-2021 , Lecer educativo 2020-21 e Luditarde 2020-21 , para así seguir mantendo a oferta educativa para todas aquelas familias inscritas nos devanditos programas.

O xogo

O xogo consiste na superación de diferentes retos semanais para conseguir unha serie de puntos ou "antivirus" necesarios para derrotar o coronavirus e avanzar postos na clasificación xeral. Os retos serán probas sinxelas para superar para acumular puntos para o teu colexio. Cada reto constará de dúas probas:

• Proba corpo en forma: serán tarefas que teñen que ver coa actividade física e o deporte e que poderás facer na casa.
• Proba mente en forma: serán tarefas que fomentarán o desenvolvemento da túa creatividade. Cun pouco de imaxinación, seguro que as fas facilmente.

Os retos publicaranse no blog do xogo creado para cada colexio participante, os luns, mércores e venres ás 12:00 h. Dispós de 36 horas para realizares cada reto.

É moi sinxelo, bastará con que envíes unha foto do reto ou un vídeo ao enderezo de correo electrónico do blog do teu colexio. Os enderezos dos blogs dos centros participantes son os seguintes:

• CEIP ALBORADA: fapasalborada.blogspot.com

• CEIP ANXO DA GARDA: fapasanxodagarda.blogspot.com

• CEIP CIDADE VELLA: fapascidadevella.blogspot.com

• CEIP CONCEPCIÓN ARENAL: fapasconcepcionarenal.blogspot.com

• CEIP CURROS ENRÍQUEZ: fapascurrosenriquez.blogspot.com

• CEIP EUSEBIO DA GUARDA: fapaseusebiodaguarda.blogspot.com

• CEIP JOSÉ CORNIDE: fapasjosecornide.blogspot.com

• CEIP JUAN FERNÁNDEZ LATORRE: fapasjuanfdezlatorre.blogspot.com

• CEIP LABACA: fapaslabaca.blogspot.com

• CEIP MANUEL MURGUÍA: fapasmanuelmurguia.blogspot.com

• CEIP MARÍA BARBEITO: fapasmariabarbeito.blogspot.com

• CEIP MARÍA PITA : fapasmariapita.blogspot.com

• CEIP DE PRÁCTICAS: fapaspracticas.blogspot.com

• CEIP RAMÓN DE LA SAGRA: fapasramondelasagra.blogspot.com

• CEIP RAQUEL CAMACHO: fapasraquelcamacho.blogspot.com

• CEIP ROSALÍA DE CASTRO: fapasrosaliadecastro.blogspot.com

• CEIP SAGRADA FAMILIA: fapasagradafamilia.blogspot.com

• CEIP SAL LENCE: fapassallence.blogspot.com

• CEIP SALGADO TORRES: fapassalgadotorres.blogspot.com

• CEIP SAN PEDRO DE VISMA: fapasanpedrodevisma.blogspot.com

• CEIP SAN FRANCISCO JAVIER: fapassanfranciscojavier.blogspot.com

• CEIP SANJURJO DE CARRICARTE: fapassanjurjodecarricarte.blogspot.com

• CEIP VICTOR LÓPEZ SEOANE: fapasvictorlopezseoane.blogspot.com

• CEIP WENCESALAO FERNÁNDEZ FLORES: fapaswenceslaofdezflorez.blogspot.com

• CEIP ZALAETA: fapaszalaeta.blogspot.com

• IES ELVIÑA: fapaselvina.blogspot.com

• IES MENÉNDEZ PIDAL: fapasmenendezpidal.blogspot.com

• IES MONTE DAS MOAS: fapasmontedasmoas.blogspot.com

• CEE MARÍA MARIÑO: fapasmariamarino.blogspot.com

• CEE NOSA SEÑORA DO ROSARIO: fapasrosario.blogspot.com

• CEIP RAMÓN DE LA SAGRA LUDITARDE: ludiramon.blogspot.com

Lembra que podes animar as túas e os teus compañeiros de actividades a participar no xogo. Cantas/os máis sexades máis puntuación para o voso colexio. A que esperades?