3 de abril de 2020
Este cancelo permite localizar os contidos culturais e educativos compartidos nos perfís sociais municipais
As redes sociais municipais énchense de iniciativas para facer fronte ao confinamento. Esta semana puidemos compartir noticias, recomendacións e iniciativas como as que enumeramos a continuación.
Puidemos realizar visitas virtuais, como a impulsada por Turismo da Coruña ao Parque Escultórico da Torre de Hércules, ou polo Servizo Municipal de Educación en colaboración coa Federación Provincial das ANPA ao Palacio da Capitanía ou á praza de María Pita.
Desde Bibliotecas recomendáronnos a lectura de contos a través dos blogs das salas infantís ou de cómics. E Museos Científicos permitiunos coñecer a web Stellarium.
A nosa arte en corentena
Desde a Concellería de Educación e Cultura abrimos a sección "A nosa arte en corentena" que mostrará unha serie de vídeos de artistas locais e inaugurámola coa última mostra da artista plástica coruñesa Luisa Valdés.
Unha semana máis, o persoal membro da Sinfónica de Galicia volveuse xuntar. Cada quen desde a súa casa e cunha mensaxe clara: "Cando creas que está todo perdido, non te rendas. Sé Nimrod!".
A actividade do concello
O concello lanzou unha nova campaña con slogans para que quedemos na casa e habilitou unha web específica para informar sobre as novidades do coronavirus. Tamén se sumou á iniciativa de PhotoEspaña para que todas e todos compartamos as fotos que podemos realizar desde as nosas fiestras e balcóns.
Outras novas
Finalmente, como novas destacadas, soubemos:
Sentímolo pero o teu navegador é moi antigo para poder mostrar esta páxina. Debes de actualizalo ou usar un navegador compatible. Optimizamos esta web para Google Chrome, Mozilla Firefox, Opera, Safari e Microsoft Edge. Instalar agora un navegador compatible