14 de julio de 2024
Son d’Aquí e Tiruleque amenizarán a foliada popular, xunto con outras actividades culturais e dous xantares
Os veciños e veciñas dos Castros gozarán esta semana dunha Romaría, con dous días de música e actividades para todos os públicos. A cita enmárcase na liña posta en marcha polo Goberno de Inés Rey para o apoio das Festas nos Barrios como ferramenta de dinamización social e económica da cidade.
A romaría terá lugar no Parque de San Diego. Comezará mañá, luns 15 de xullo, a partir das 11.00 horas cunha alborada a cargo do Grupo Xebre, seguida da actuación familiar da man dos Monifates, ás 12.30 horas e con outra cita ás 18.00 horas da tarde. Ás 13.30 horas comezará o xantar popular, con churrasco, e amenizado novamente polo Grupo Xebre.
Xa pola tarde, a partir das 16.00 horas, haberá xogos populares e actividades vinculadas á memoria do barrio, da man da Asociación Veciñal Oza-Gaiteira-Os Castros. Ás 20.00 horas a festa continuará coa foliada popular da man de Tiruleque e Son d'Aquí.
A segunda e última xornada será o martes 16 de xullo e comezará a partir das 11.00 horas con Son d'Aquí. Seguirá ás 12.30 horas coa actuación de circo e malabares de Simplemente Enricco e rematará co xantar popular, amenizado por Son d'Aquí.
A Romaría dos Castros está organizada pola Asociación Oza-Gaiteira-Os Castros en colaboración co Concello da Coruña.
15 de julio de 2024
13 de julio de 2024
12 de julio de 2024
Lo sentimos pero tu navegador es muy antiguo para poder mostrar esta página. Debes de actualizarlo o usar un navegador compatible. Hemos optimizado esta web para Google Chrome, Mozilla Firefox, Opera, Safari y Microsoft Edge. Instalar ahora un navegador compatible