O concelleiro da área de Fomento e Promoción da Cidade, Gonzalo Castro, interviu na apertura da terceira edición do congreso internacional 'Artes pola paz' que se celebrará entre hoxe e mañán na Coruña con diferentes actividades na Fundación Luis Seoane, o Teatro Colón e a Casa Museo Picasso. O concelleiro estivo acompañado pola presidenta da Fundación Luís Seoane, Silvia Longueria, e José María Mesías-Lema, director ddo Grupo de Investigación Arte-facto da UDC, quen destacou a colaboración do Concello da Coruña na realización do congreso.

Gonzalo Castro agradeceu a vinculación desta terceira edición ao artista Pablo Picasso no marco da 'Celebración Picasso 1973-2023', con motivo do 50.º aniversario do falecemento do artista malagueño. "É de xustiza reivindicar a Picasso como figura coruñesa no marco deste congreso que fala da vinculación da paz e da arte, dúas cuestións que reflexan a súa vida e obra artística" sinalou. O congreso continou coa conferencia en liña 'Entremedias: interseccións e sostibilidade cultural', da música, escritora, educadora e produtora Cristina Pato.