13 de xuño de 2024
“Os médicos de familia sodes os profesionais máis próximos ao paciente”, sinalou a alcaldesa durante a inauguración
A alcaldesa da Coruña, Inés Rey, presidiu a inauguración do XXX Congreso Nacional de Medicina Xeral e de Familia, que se terá lugar desde hoxe e ata o sábado en Palexco, coa presenza de 2.500 profesionais do sector e a confirmación doutros 1.500 que seguirán os relatorios por streaming. A rexedora destacou a fortaleza da Coruña como cidade organizadora de grandes eventos profesionais e congresos MICE, que supoñen un grande impacto económico e social.
"Os médicos de familia sodes os profesionais más próximos ao paciente e xerades vínculos prolongados con moitos deles", apuntou Inés Rey, que quixo poñer en valor o papel destes profesionais durante a pandemia da COVID-19. As cifras do XXX Congreso Nacional de Medicina Xeral e de Familia mostran a súa relevancia. Durante as xornadas impartiranse un total de 237 sesións a cargo de 128 expertos e doce das devanditas sesións podrán ser seguidas por streaming, para as que hai inscritas 1.500 persoas más. O número de comunicacións aceptadas polo comité científico ascende a 808.
A rexedora desexou aos participantes que o congreso sexa frutífero e contribúa á mellora do sector sanitario, mais tamén animou os facultativos e facultativas a gozar da ampla oferta cultural e de lecer que ofrece a cidade. A organización do evento cifrou en 3 millóns de euros o retorno económico para a cidade da cita.
A Coruña, cidade referente no turismo MICE
Os eventos MICE seguen avalando A Coruña como a cidade ideal para albergar congresos e feiras, situando a urbe á vangarda en temas de investigación e avance científico ou tecnoloxías emerxentes. De feito, o Goberno de Inés Rey aposta desde o 2019 polo fomento deste tipo de turismo, o MICE, atraendo congresos de tanta relevancia coma este.
Durante os próximos meses hai programados varios congresos de relevancia nacional e internacional como o 69º Congreso da Sociedade Española de Farmacia Hospitalaria ou Ecosystems 2030.
31 de agosto de 2024
12 de agosto de 2024
1 de agosto de 2024
Sentímolo pero o teu navegador é moi antigo para poder mostrar esta páxina. Debes de actualizalo ou usar un navegador compatible. Optimizamos esta web para Google Chrome, Mozilla Firefox, Opera, Safari e Microsoft Edge. Instalar agora un navegador compatible