18 de octubre de 2024
Será a segunda actuación do artista na cidade tras o seu concerto do 2012
O gañador de catro premios Grammy e lenda da música rock, Lenny Kravitz, actuará por segunda vez na Coruña o vindeiro ano 2025. O norteamericano estará no Coliseum o xoves 10 de abril, dentro da súa xira mundial Blue Electric Light.
A Coruña será unha das tres únicas citas do artista no país e a única data no noroeste peninsular. O Goberno de Inés Rey mantén a súa aposta polos grandes eventos musicais, ofrecéndolle á cidadanía concertos de primeiro nivel mundial. Nesta ocasión, será a cuarta vez que Lenny Kravitz actúe en Galicia e a segunda na cidade, tras o rotundo éxito do seu concerto no Coliseum no ano 2012, ao que asistiron máis de 8.000 persoas.
Desde o 22 de febreiro ao 14 de abril, Lenny Kravitz percorrerá os principais recintos de Europa, incluíndo o Wembley Arena de Londres ou La Defense Arena de París. A venda de entradas activarase a partir do vindeiro xoves 24 de outubro ás 10.00 horas. Poderán adquirirse nos puntos de venda en liña de Live Nation, Ataquilla, Ticketmaster e El Corte Inglés. Ademais, tamén se poderán retirar no despacho de billetes da praza de Ourense en formato físico. Haberá un límite de seis entradas por persoa.
Blue Electric Light é o duodécimo álbum de estudio do músico de rock estadounidense. Saíu á venda o 24 de maio de 2024 e desde entón Kravitz atópase presentando as súas novas cancións en concerto por todo o mundo. O artista interpretará tamén os seus grandes éxitos, que lle valeron numerosos premios e o apoio de millóns de fans arredor do mundo.
19 de octubre de 2024
10 de octubre de 2024
27 de septiembre de 2024
Lo sentimos pero tu navegador es muy antiguo para poder mostrar esta página. Debes de actualizarlo o usar un navegador compatible. Hemos optimizado esta web para Google Chrome, Mozilla Firefox, Opera, Safari y Microsoft Edge. Instalar ahora un navegador compatible