28 de mayo de 2024
Trátase dunha infraestrutura de primeira necesidade na rede de abastecemento, xa que bombea arredor do 95% das augas residuais da cidade
O Concello da Coruña iniciará o vindeiro luns, 3 de xuño, as obras de mellora da estación de bombeo de augas residuais de San Roque. Trátase dunha infraestrutura de primeira necesidade na rede de abastecemento xa que a práctica totalidade das augas residuais da cidade, arredor do 95%, bombéanse nesta instalación.
Dende o Concello detectáronse algúns problemas ligados á corrosión na estación. Levouse a cabo unha campaña de ensaios para identificar as causas da deterioración das instalacións e o procedemento a seguir de cara á reparación da instalación en función da exposición ambiental, grao de danos e estado de solicitación estrutural e propuxéronse diversas zonas e actuacións a realizar.
A intervención consiste na reparación e mantemento da estrutura do teito forzado composto de formigón armado, das pasarelas metálicas peonís existentes sobre o foso, comportas de aceiro, e da propia estrutura do foso onde se recollen as augas residuais. Realizaranse co bombeo operativo, polo que os traballos terán unha gran complexidade. Ten un prazo de execución de tres meses e conta cun orzamento superior aos de 146.064,80 euros.
Coa reparación da estación de San Roque, o Concello avanza no mantemento e actualización dos servizos básicos municipais da Coruña. Dende 2019, o Goberno de Inés Rey acometeu preto de medio cento de actuacións da mellora da rede de saneamento nos barrios, actualizando a rede antiga. Destacan a primeira fase da actualización da rede de saneamento do Barrio das Flores, cun orzamento de 220.000 euros, e as diferentes intervencións no barrio da Zapateira, cun investimento total de 1,8 millóns de euros.
20 de mayo de 2024
13 de abril de 2024
12 de abril de 2024
Lo sentimos pero tu navegador es muy antiguo para poder mostrar esta página. Debes de actualizarlo o usar un navegador compatible. Hemos optimizado esta web para Google Chrome, Mozilla Firefox, Opera, Safari y Microsoft Edge. Instalar ahora un navegador compatible