A alcaldesa, Inés Rey, presidiu a sesión plenaria desta mañá, na que o voceiro do Goberno municipal, José Manuel Lage, avanzou que o Concello acometerá o ano que vén o que será o seu primeiro estudo sobre a calidade da prestación dos servizos municipais, unha iniciativa "que comezan a facer a maior parte de concellos que teñen politicas avanzadas no referente a servizos de calidade".

Ademais, Lage tamén informou de que no segundo semestre deste ano se presentará o Plan Estratéxico de Subvencións, unha medida "en materia de transparencia no eido económico" e na que se prevé dar participación aos diversos grupos municipais e entidades sociais da cidade.

Lage expuxo, a maiores, que as negociacións para concretar os Orzamentos Municipais de cara ao ano 2025 comezarán no vindeiro mes de setembro.