4 de abril de 2020
O persoal técnico da concellería visitou os poboados chabolistas do Portiño, As Rañas e A Pasaxe para repartir material educativo entre as crianzas e impartir charlas sobre as medidas hixiénicas e o distanciamento social que cómpre ter moi en conta durante o confinamento
A Concellería de Benestar Social, Igualdade e Participación estase a despregar desde hai días nos asentamentos precarios do Portiño, As Rañas e A Pasaxe, co fin de concienciar as persoas que residen alí sobre a importancia do confinamento e as medidas de hixiene e de distanciamento social que deben adoptar para protexérense fronte ao contaxio do coronavirus. Estas visitas tamén teñen como obxectivo achegarlles material didáctico ás nenas e nenos destes poboados con escasos recursos para realizaren unha formación educativa telemática.
Estas accións son realizadas polo persoal técnico municipal da Concellería de Benestar Social, acompañado de membros de Protección Civil e da Policía Local. Nestes achegamentos aos ditos asentamentos precarios aínda existentes na nosa cidade, tamén se lles proporcionan alimentos ás persoas que residen neles.
O pasado día 25 de marzo, o persoal dedicado a estas tarefas visitou o poboado da Pasaxe. A visita ao Portiño realizouse o pasado luns e antonte volveuse visitar en compañía do Secretariado Xitano, entidade que se ofreceu desinteresadamente a acudir a este labor para dar apoio. Onte visitouse o asentamento das Rañas, onde se repartiron alimentos e fomentáronse as medidas de hixiene que se deben manter para que este sector da poboación estea protexido do Covid-19.
5 resultados
O 22 de set de 2024
O concelleiro de Deportes, Manuel Vázquez, entregou os trofeos da proba na praza de María Pita
O 22 de set de 2024
A concelleira de Benestar Social, Igualdade e Participación, Nereida Canosa, deu a saída da carreira e entregoulle á deportista Sofía Toro unha placa en homenaxe ás mulleres deportistas
O 22 de set de 2024
Terá lugar a partir das 9.30 horas no Palacio dos Deportes de Riazor, con probas organizadas en dúas quendas por conxuntos e individuais
O 20 de set de 2024
A competición, na que colabora o Concello, realizarase na Escola Maroña Indoor desde as 11.00 horas
O 5 de xul de 2024
As persoas interesadas poderán participar nestas sesións, que promoven hábitos saudables durante o verán, sen necesidade de inscribirse
Sentímolo pero o teu navegador é moi antigo para poder mostrar esta páxina. Debes de actualizalo ou usar un navegador compatible. Optimizamos esta web para Google Chrome, Mozilla Firefox, Opera, Safari e Microsoft Edge. Instalar agora un navegador compatible