19 de setembro de 2020
A alcaldesa advirte de que a estatua de Millán Astray non se moverá do almacén da Coruña e moito menos para incumprir a Lei da Memoria Histórica”
Tras recibir a petición formal do Goberno da Cidade Autónoma de Ceuta para a cesión da estatua do xeneral Millán Astray que foi retirada en 2010 da praza herculina, agora denominada Praza das Atochas, e que na actualidade permanece nunha dependencia municipal, o Concello da Coruña non só impedirá o traslado desta estatua senón que porá en coñecemento da Xustiza o que semella unha vulneración da Lei 52/2007 da Memoria História, pola cal "os escudos, insignias, placas e outros obxectos ou mencións conmemorativas de exaltación persoal ou colectiva do levantamento militar, da Guerra Civil e da represión da Ditadura» deberán ser retiradas dos edificios e espazos públicos".
Ante a misiva do goberno ceutí na que tentan exhibir de novo a figura do xeneral do bando sublevado, fundador da Lexión e procurador das Cortes franquistas, o Concello lémbralle ao Goberno da Cidade Autónoma de Ceuta que a Lei da Memoria Histórica é igual para todos. A alcaldesa, Inés Rey, asegura que "se a estatua de Millán Astray foi retirada da nosa cidade, de ningún xeito se lle vai ceder a ningunha outra administración para a súa exhibición" xa que, sinalou, "desde o Goberno local da Coruña defendemos a aplicación da Lei da Memoria Histórica e calquera outra administración que pense que está por riba da lei, está errada".
A rexedora asegura que non é o único caso para reparar a memoria histórica da cidade, e recorda o expolio dos bens públicos que levou a cabo na nosa cidade a Ditadura franquista, como é o da Casa Cornide, "en que o Concello segue a loitar para que se lle devolva aos coruñeses e coruñesas o que seu". Tamén o Pazo de Meirás, no que o Concello foi parte da denuncia que recentemente resolveu a Xustiza de forma favorable, "devolvéndolle ao pobo o que roubaron os Franco".
12 resultados
O 9 de out de 2024
A actuación, que consistirá na renovación do céspede artificial e do peche perimetral, ten un orzamento de máis de 430.000 euros
O 6 de out de 2024
Fixéronse co podium cun tempo de 29:46 e 34:12 respectivamente
O 4 de out de 2024
A alcaldesa, Inés Rey, recibiu aos 14 equipos da competición e fixo entrega dun obsequio a César Carballeira polo seu título de campión do mundo
O 2 de out de 2024
A proba celebrarase o vindeiro domingo 20 de outubro
O 1 de out de 2024
O Concello da Coruña e a Federación Galega de Atletismo organizan a proba, un clásico do calendario deportivo anual da cidade, e que chega este ano á súa XVIII edición
O 30 de set de 2024
O Concello e a Federación Galega e Española de Surf organizan este torneo que se celebrará na praia do Matadoiro, onde haberá tamén diferentes propostas de ocio e gastronomía
ver máis
Sentímolo pero o teu navegador é moi antigo para poder mostrar esta páxina. Debes de actualizalo ou usar un navegador compatible. Optimizamos esta web para Google Chrome, Mozilla Firefox, Opera, Safari e Microsoft Edge. Instalar agora un navegador compatible