- Inicio
Información Xuvenil
Os espazos municipais de información xuvenil do concello da Coruña, enmárcanse no servizo de Mocidade, dentro da área de Igualdade, Benestar Social e Participación. Caracterízanse por unha serie de trazos que os fai singulares e defíneos como instrumentos para facilitar a autonomía persoal da mocidade e para ofrecerlles unha atención integral e de calidade. Fronte a un modelo centralizado, o Concello da Coruña aposta pola descentralización dos servizos de información xuvenil e polo achegamento á mocidade, convertendo a dimensión territorial nun eixe estratéxico que permita a creación dunha nova relación co sector xuvenil na súa dimensión máis ampla.
Coñece a Rede de Información Xuvenil
A rede de espazos de información xuvenil da cidade caracterízase por ser centros xeneralistas nos que a xente nova pode atopar toda a información que necesitan: educación, lecer e tempo libre, mobilidade, asociacionismo, vivenda, emprego... Tamén contemplan asesorías especializadas, de centros de interese que, no transcurso dos anos, resultaron de máximo interese para as/os mozas/os da cidade.
Realizan, ademais, un traballo transversal que se desenvolve non só con outras áreas do Concello, senón tamén coas entidades xuvenís, asociacións e colectivos da cidade sendo un espazo que ofrece, ademais de información, recursos especializados atendidos por persoal cualificado e unha atención que oriente e acompañe á mocidade na toma de decisións.
Non perdas
Actualidade
-
Probas de acceso ás ensinanzas deportivas para o curso 2024-2025
Inscricións:
- Até o 20 de maio de 2024: para a proba substitutiva do requisito de titulación de bacharelato.
- Até o 26 de xuño de 2024: para a proba substitutiva do requisito de titulación de ESO e/ou proba específica de grao medio.
A Consellería de Educación, Ciencia, Universidades e Formación Profesional convoca as probas de acceso ás ensinanzas deportivas para o curso 2024/2025.
-
Preinscrición Escola Municipal de Música, curso 2024-2025
Inscricións:
Dende o 21/05/2024 ata o 27/05/2024
A Escola Municipal de Música abre o prazo de inscrición para o curso 2024-2025. A preinscrición é obrigatoria para todo o alumnado de novo ingreso e un requisito imprescindible para formalizar posteriormente a matrícula. A lista de prazas vacantes para a preinscrición poderá consultarse o 21 de maio de 2024.
-
ExpOtaku 2024
Cando:
Dende o 24/05/2024 ata o 26/05/2024
Volve á Coruña ExpOtaku, o evento dedicado ao mundo do anime, os videoxogos, o cosplay e o lecer alternativo que terá lugar, coma sempre, no recinto feiral de ExpoCoruña.
-
Concurso de fotografía: “As Rutas da Seda a través dos Ollos da Mocidade”
Inscricións:
Dende o 08/05/2024 ata o 14/07/2024
A UNESCO convoca a sexta edición do concurso internacional de fotografía que leva por título “As Rutas da Seda a través dos Ollos da Mocidade”.
-
Actividades de maio no Espazo Xuvenil O Remanso
Cando:
Dende o 03/05/2024 ata o 17/05/2024
O Espazo Xuvenil O Remanso organizan unha serie de actividades durante o mes de maio. As actividades son todas de balde, para rapaces e rapazas de 12 a 30 anos, ambos cumpridos.
-
Concurso de camisetas para o DO
Inscricións:
Ata o 31/12/2024
O Centro Europeo de Linguas convoca un concurso de deseño de logos de camisetas para celebrar o Día Europeo das Linguas 2025.
Tes un navegador demasiado antigo!
Sentímolo pero o teu navegador é moi antigo para poder mostrar esta páxina. Debes de actualizalo ou usar un navegador compatible. Optimizamos esta web para Google Chrome, Mozilla Firefox, Opera, Safari e Microsoft Edge. Instalar agora un navegador compatible