As Sopa de Pedra son dez mulleres:Teresa e Inês Campos, Rita Costa, Inês Loubet, Maria e Benedita Vasquez, Inês Melo, Sara Yasmine, Rita Sá e Mariana Gil; un grupo de investigación musical que canta esencialmente a capella.
Para público en xeral
27/07/2024
Xa rematou
19:30 h. Pídese puntualidade.
Auditorio do Centro Sociocultural Ágora. Lugar Gramela 17. 15010 A Coruña
de balde. Non se precisa reserva previa nin retirar billete de entrada.
RECOMÉNDASE:
Actuar con responsabilidade
Asociación veciñal, cultural, deportiva e recreativa do barrio da Agra do Orzán "Agra"
agra@galizacultura.ga
Por medio de arranxos polifónicos de música tradicional portuguesa, exploran a riqueza do legado tradicional achegándoo ao contexto da música do mundo actual.
Tal como no conto popular que lles dá nome, Sopa de Pedra preséntase en diferentes formatos, a creación musical comeza cunha base simple (unha pedra, unha tradición, un cantar) que ao longo do tempo vai madurando no seo do grupo.
Co tempo, a melodía vaise desdobrando en varias voces, gañando varias facetas, até que se conxuga nunha harmonía viva, que se reinventa cada vez que se canta, ou que se xunta un amigo.
O repertorio inclúe música de transmisión oral, desde cantos mirandeses de Trás-os-Montes, baladas açorianas, cantigas de adufeiras da Beira Baixa, o canto alentejano ou repertorio de Zeca Afonso, Amelia Muge, José Mário Branco, João Loio, Almanaque e GAC.
Este concerto, como todas as actividades de "Agra no Ágora" son de acceso libre e gratuíto; o programa está financiado polo Concello da Coruña e deseñado en colaboración coa Asociación veciñal Agra.
Sentímolo pero o teu navegador é moi antigo para poder mostrar esta páxina. Debes de actualizalo ou usar un navegador compatible. Optimizamos esta web para Google Chrome, Mozilla Firefox, Opera, Safari e Microsoft Edge. Instalar agora un navegador compatible