Concello da Coruña

O Ágora é un centro construído ao amparo do programa Urbana-C, construído cofinanciado polo Concello da Coruña e a Unión Europea, a través do FEDER.

De igual modo, é un equipamento municipal integrado no que toda a cidadanía poderá atopar unha variada programación dirixida a todo tipo de públicos. Nas súas amplas instalacións calquera cidadán poderá desde acudir á biblioteca, ver unha exposición, reunirse cos amigos e amigas, participar nun obradoiro ou asistir a unha obra de teatro ou danza. Desa maneira satisfaranse de xeito interxeracional as necesidades formativas, lúdicas, sociais e culturais de variados sectores de públicos. Mais entre os obxectivos do Centro Ágora non só está dar resposta ás necesidades actuais senón tamén avanzar solucións ás futuras de forma tal que moitos dos seus programas serán pioneiros e terán un marcado carácter innovador.