Concello da Coruña

O Proxecto SEMENTE, "Unha empresa na miña escola" proporciona un contexto práctico no que se traballa, de forma transversal, moitas das materias obxecto de estudo na aula: lingua, matemáticas, coñecemento do medio ou plástica. Ademais, achega o mundo da empresa á educación primaria e educación especial, favorecendo o desenvolvemento de competencias, coñecementos e hábitos vinculados á cultura emprendedora e aos valores da economía social: creatividade, comunicación, traballo e toma de decisións en grupo, solución de problemas...

Para iso durante o curso o alumnado constitúe unha Cooperativa Escolar, elabora produtos, solicita o permiso de venda ás autoridades municipais e a finais do mes de maio ou principios do mes de xuño realízase un Mercado.

A solicitude para participar no proxecto realízase a través da páxina web educativa www.edu.coruna.gal

Servizo municipal

Emprego e Empresa (departamento de Promoción Económica)

¿A quen vai dirixido?

Alumnado de 3º a 6º de Educación Primaria e alumnado de Educación Especial de centros educativos do concello.

Obxecto

O proxecto trata de promover a adquisición da competencia emprendedora, a través dun instrumento central: a creación e a xestión dunha cooperativa escolar de fabricación de produtos, que posteriormente venderán nun mercado. Para iso, o programa reproducirá situacións reais no proceso de constitución dunha empresa e as súas actividades.

O alumnado destina unha parte dos beneficios obtidos na venda a doazóns a entidades benéficas, o cal tamén redunda en espertar un sentido solidario, e o resto dedícao a realizar unha actividade conxunta cos seus compañeiros/as.

O proxecto favorece o desenvolvemento de competencias emprendedoras entre os nenos e nenas (capacidade creativa, motivación, comunicación, negociación, toma de decisións, planificación...), traballando ao mesmo tempo materias transversais: cálculo, lingua, plástica...

Condicións do programa

O programa adáptase ao horario escolar e ás necesidades de cada centro escolar.

Obxectivos

O obxectivo xeral do programa Semente é difundir a cultura da economía social e actitude emprendedora entre o alumnado de Primaria e de Educación Especial.

Os obxectivos específicos son os seguintes:

• Fomentar os valores de emprendimiento e cooperación, nun contexto creativo e lúdico.
• Favorecer a autonomía persoal e a participación en diferentes contextos sociais.
• Impulsar o coñecemento do comercio xusto e da economía social nas escolas.
• Coñecer as normas básicas de funcionamento en grupo.
• Iniciar ao alumnado nos principios básicos de márketing, contabilidade, impostos...

Contidos

Fase I.- Formación do alumnado: 5 módulos de formación sobre cooperativismo e 4 talleres prácticos para a elaboración dos produtos.

Fase II.- Celebración do Mercado.

Metodoloxía

O proxecto consiste na impartición de módulos, por parte de docentes expertos en cooperativismo, sobre o que é unha cooperativa, a súa constitución e o desenvolvemento da súa actividade. Para a elaboración dos produtos o alumnado recibe formación de apoio (talleres prácticos).

As cooperativas participantes solicitan e obteñen no mes de abril a licenza de venda nun acto protocolario no Salón de Plenos do Concello.

Para finalizar o alumnado vende os produtos elaborados no Mercado Semente.

Cando:

Desde outubro ata o mes de maio / xuño.

Setembro: período de información ao profesorado, inscricións, coordinación e organización dos módulos.

Outubro - abril: desenvolvemento de 9 sesións formativas (5 módulos de cooperativismo e 4 módulos de elaboración de produtos).

Abril: acto de entrega das licenzas de venda.

Finais de maio / principios de xuño: Mercado SEMENTE.

Inscricións:

Desde o 16/09/2024 ata o 16/10/2024

Inscrición centros

Ficha de solicitude

Contacto:

Departamento de Promoción Económica

empresa@coruna.gal

Documentos relacionados

Bases Semente curso 2024-25