A diferenza doutros modelos que buscan maximizar o lucro a curto prazo, a economía social ten como prioridades outras cuestións, como poden ser o coidado do emprego ou do persoal da entidade, que á vez é copropietaria dela.

É un paso máis na liña de traballo que está a seguir o Concello de fomentar e difundir o cooperativismo, compromisos que son unha realidade partindo do propio nome desta concellería, ou da súa unión á Rede Eusumo.

Durante a feira as cooperativas e empresas de Economía Social expoñerán no Campo da Leña os seus produtos e servizos para darse a coñecer entre a veciñanza, unha proposta que se complementará con concertos, conferencias, proxeccións e actividades abertas a todos os públicos.