- Inicio
- Detalle
Imposto sobre Incremento de Valor dos Terreos de Natureza Urbana (Plusvalía). Solicitude de beneficios fiscais / prórroga
En que consiste?:
Procedemento de concesión, logo do cumprimento previo dos requisitos esixidos, de beneficios fiscais na plusvalía. Os beneficios fiscais clasifícanse en exencións (a pesar de que se realiza o feito impoñible a lei exime do cumprimento da obriga tributaria principal) e bonificacións (porcentaxe de desconto para aplicar sobre a cota íntegra).
EXENCIÓNS:
- Entidades recollidas no art. 2 da Lei 49/2002 do réxime fiscal de entidades sen fins lucrativos e de incentivos fiscais ao mecenado. (art. 15.3 da Lei 49/2002).
- Constitución e transmisión de dereitos de servidume (art. 105.1 a Texto Ref. Lei HHLL).
- Bens históricos nos que se realizaron obras de conservación, mellora ou rehabilitación (art. 105.1 b Texto Ref. Lei HHLL).
- Institucións que teñan a cualificación de benéficas ou de benéfico-docentes (art. 105.2 c Texto Ref. Lei HHLL).
- As transmisións realizadas por persoas físicas con ocasión da dación en pago de vivenda habitual do debedor hipotecario ou garante del, para a cancelación de débedas garantidas con hipoteca que recaia sobre a devandita vivenda, contraídas con entidades de crédito ou similares, así como as transmisións de vivenda realizadas en execucións hipotecarias xudiciais ou notariais cumprindo os requisitos anteriores.
BONIFICACIÓNS:
- Bonificación do 20, 30, 70 ou 95 % (dependendo dos ingresos da unidade familiar) nas transmisións a título lucrativo por causa de morte ou por pacto de mellora en relación coa vivenda habitual do/a causante/mellorante, a favor de descendentes e adoptados/as, cónxuxes e ascendentes ou adoptantes. Nos supostos de pacto de mellora a bonificación só se aplicará naqueles supostos nos que o/a transmitente se reserve o usufruto do ben. (art. 9.2 Ordenanza fiscal núm. 53).
- Bonificación do 95% se a renda neta da unidade familiar dividida polo número de membros é igual ou inferior ao IPREM
- Bonificación do 70% se a renda neta da unidade familiar dividida polo número de membros é superior ao IPREM e ata o dobre do IPREM
- Bonificación do 30% se a renda neta da unidade familiar dividida polo número de membros é superior ao dobre do IPREM e ata o triplo do IPREM
- Bonificación do 20% se a renda neta da unidade familiar dividida polo número de membros é superior ao triplo do IPREM
PRÓRROGA:
- Solicitude de prórroga de ata un ano para presentar a autoliquidación nas transmisións a título lucrativo por causa de morte (art. 12.2 b OF n.º 53).
A quen vai dirixido?:
Están lexitimadas para solicitar, ben por si mesmas ou por medio de representante, o beneficio fiscal, as persoas físicas ou xurídicas e as entidades a que se refire o artigo 35.4 da Lei 58/2003 que sexan suxeitos pasivos do imposto.
Organismo responsable:
Ayuntamiento
Prazo de presentación:
As solicitudes de beneficios fiscais realizaranse desde a data de devindicación do imposto ata a finalización do prazo da súa liquidación regulado no artigo 12.2 da OF núm. 53.
A solicitude de prórroga nas transmisións a título lucrativo por causa de morte realizarase dentro do prazo de 6 meses para practicar a autoliquidación.
Canles de presentación
Presencial
Que se necesita?:
Documentación que hai que achegar nas exencións:
- Entidades recollidas no art. 2 da Lei 49/2002 do réxime fiscal de entidades sen fins lucrativos e de incentivos fiscais ao mecenado (art. 15.3 Lei 49/2002):
- Estatutos da sociedade adaptados á Lei 49/2002.
- Certificado da Administración do Estado do exercicio do dereito de opción ao réxime fiscal especial.
- Certificación acreditativa da súa inscrición no rexistro correspondente.
- Constitución e transmisión de dereitos de servidume (art. 105.1 a Texto Ref. Lei HHLL):
- Documento xustificativo do citado dereito.
- Bens históricos nos que se realizaron obras de conservación, mellora ou rehabilitación (art. 105.1 b Texto Ref. Lei HHLL):
- Identificación do expediente do Servizo de Urbanismo polo que se outorgou a licenza.
- Xustificación de que as ditas obras foron a cargo do suxeito pasivo beneficiario da exención (facturas ou calquera documentación acreditativa)
- A administración comprobará que o edificio teña unha antigüidade superior a 50 anos, que se encontra dentro do ámbito delimitado pola Xunta de Galicia como conxunto histórico artístico e estea incluído no catálogo do Plan especial de reforma interior da Cidade Vella e Pescaría con nivel de protección integral (DOG núm. 57 de 22/03/1984)
- Institucións que teñan a cualificación de benéficas ou de benéfico-docentes (art. 105.2 c Texto Ref. Lei HHLL):
- Estatutos da institución que acrediten a súa condición.
Documentación que hai que achegar nas bonificacións:
- Bonificación do 20, 30,70 ou 95 % (dependendo dos ingresos da unidade familiar) nas transmisións a título lucrativo:
- por causa de morte en relación coa vivenda habitual do/a causante
- por pacto de mellora en relación coa vivenda habitual do/a mellorante (devindicacións a partir de 2021)
- e a favor de descendentes e adoptados/as, cónxuxes e ascendentes ou adoptantes. Nos supostos de pacto de mellora a bonificación só se aplicará naqueles supostos nos que o/a transmitente se reserve o usufruto do ben. (art. 9.2 OF n.º 53):
- En ambos os supostos requírese copia da última declaración do IRPF da unidade familiar (enténdense todas as persoas empadroadas co suxeito pasivo solicitante) incluído o causante/mellorante se formaba parte dela, ou autorización expresa por escrito para efectuar a consulta por parte da Administración municipal ante a AEAT conforme ao modelo que se facilita.
- En ambos os supostos requírese copia da última declaración do IRPF da unidade familiar (enténdense todas as persoas empadroadas co suxeito pasivo solicitante) incluído o causante/mellorante se formaba parte dela, ou autorización expresa por escrito para efectuar a consulta por parte da Administración municipal ante a AEAT conforme ao modelo que se facilita.
Para presentar o modelo de solicitude 045 de beneficio fiscal no IIVTNU fai falta ter en conta o seguinte:
- Nos supostos en que a data de devindicación (data da constitución ou transmisión do dereito sobre o ben inmoble) teña lugar a partir do 01.01.2021 a solicitude que deberá presentar será esta: mod 045 Solicitude de beneficios fiscais E Prorroga IIVTNU
- No resto dos supostos en que a data de devindicación teña lugar con anterioridade ao 31/12/2020 ou na devandita data, a solicitude que deberá presentar será esta: mod. 045 Solicitude de beneficios fiscais e prórroga IIVTNU 2020
Documentación para achegar na solicitude de prórroga:
- Nas transmisións de bens a título lucrativo por causa de morte:
- Identificación dos bens da herdanza do/a causante
- Identificación de suxeitos pasivos (relación de herdeiros/as)
- Certificado de defunción do/a causante
- Nas transmisións de bens a título lucrativo por pacto de mellora:
- Identificación do ben transmitido polo/a mellorante
- Identificación de suxeitos pasivos (mellorados/as)
Como se fai?:
- De forma presencial no Rexistro Xeral. Enderezos:
- Concello da Coruña. Praza de María Pita, 1. C.P. 15001 A Coruña
- Fórum Metropolitano. Rúa Río de Monelos, 1. C.P. 15006 A Coruña
- Centro Sociocultural Ágora. Lugar da Gramela, 17. C.P. 15010 A Coruña
- Rexistro Área Económica. Rúa da Franxa, 21-22. C.P. 15001 A Coruña
- Por correo certificado dirixido ao Rexistro Xeral do concello
- Nos demais supostos contemplados no art 16.4 da Lei 39/2015, do 1 de outubro, do procedemento administrativo común das administracións públicas.
Internet
Que se necesita?:
Unha vez cuberta a solicitude telemática debe achegar a documentación que se indica en cada unha das modalidades de exención ou bonificación indicadas anteriormente.
Como se fai?:
A través da Sede electrónica municipal.
En aplicación do artigo 14.2 da Lei 39/2015, de procedemento administrativo común, teñen a obriga de realizar este trámite, a través da Sede electrónica:
a) As persoas xurídicas
b) As entidades sen personalidade xurídica (asociacións, sociedades civís, comunidades de persoas propietarias etc.)
c) Quen exerza unha actividade profesional para a que se requira colexiación obrigatoria, para os trámites e as actuacións que realicen coas administracións públicas en exercicio da devandita actividade profesional. En todo caso, dentro deste colectivo entenderanse incluídas as persoas notarias e rexistradoras da propiedade e mercantís.
d) Quen represente a unha persoa interesada que estea obrigada a relacionarse electronicamente coa Administración.
Páxina web:
Certificado dixital:
Si
Teléfono
Máis información:
No caso das exencións o prazo máximo en que debe notificarse a resolución será de 6 meses que se contará desde a data en que o documento de solicitude tivese entrada no rexistro xeral do Concello da Coruña (art. 104 da Lei xeral tributaria e art. 67 da Ordenanza xeral de xestión). Cando se produza a paralización do procedemento por causa imputable á persoa interesada, a Administración municipal advertiraa de que, transcorridos 3 meses, poderá declarar a caducidade del.
No caso da bonificación nas transmisións a título lucrativo por causa de morte, en relación coa vivenda habitual, o prazo máximo en que debe notificarse a resolución será de 1 mes (art. 9.4 OF núm. 51)
Nas solicitudes de prórroga o prazo máximo en que debe notificarse a resolución será de 1 mes (art. 12.2 b OF núm. 53).
- Contra a resolución de concesión/denegación do beneficio fiscal/ prórroga poderanse interpoñer os seguintes recursos:
Recurso de reposición. Con carácter previo e potestativo o recurso de reposición previsto no art. 14 do RDL 2/2004 ante o órgano que ditou o acto, no prazo dun mes que se contará desde o día seguinte ao da recepción da notificación.
Reclamación económico-administrativa. Contra a desestimación do recurso de reposición ou ante a ausencia de resolución expresa no prazo dun mes desde a súa interposición. Poderá presentar a reclamación económico-administrativa, que terá carácter preceptivo previo ao recurso contencioso administrativo, prevista no art. 137 da lei 7/85, ante o Tribunal Económico Administrativo Municipal, no idéntico prazo dun mes.
Non se poderán simultanear ambos os recursos. De producirse esta situación tramitarase o presentado en primeiro lugar e declararase inadmisible o segundo (art. 222 da Lei 58/2003).
Tes un navegador demasiado antigo!
Sentímolo pero o teu navegador é moi antigo para poder mostrar esta páxina. Debes de actualizalo ou usar un navegador compatible. Optimizamos esta web para Google Chrome, Mozilla Firefox, Opera, Safari e Microsoft Edge. Instalar agora un navegador compatible