EXENCIÓNS

Están exentos deste imposto os incrementos de valor que se manifesten a consecuencia dos seguintes actos:

- A constitución e transmisión de dereitos de servidume.

- As transmisións de bens que se atopen dentro do perímetro delimitado como Conxunto Histórico-Artístico, ou fosen declarados individualmente de interese cultural, segundo o establecido na Lei 16/85, de 25 de Xuño, do Patrimonio Histórico Español.

Así mesmo están exentos deste imposto, entre outros:

- O Estado, as Comunidades Autónomas e as Entidades locais ás que pertenza o municipio, así como os Organismos Autónomos do Estado e as entidades de dereito público de análogo carácter das Comunidades Autónomas e das devanditas entidades locais.

- O Concello da Coruña e as Entidades Locais integradas ou nas que se integre o mesmo, así como as súas respectivas entidades de dereito público de análogo carácter aos Organismos autónomos do Estado.

- As institucións que teñan a cualificación de benéficas ou benéfico docentes.

BONIFICACIÓNS

• Bonificación do 20, 30, 70 ou 95 % (dependendo dos ingresos da unidade familiar) nas transmisións a título lucrativo por causa de morte ou por pacto de mellora en relación coa vivenda habitual do causante/mellorante, a favor de descendentes e adoptados, cónxuxes e ascendientes ou adoptantes. Nos supostos de pacto de mellora a bonificación só se aplicará naqueles supostos nos que o transmitente reserve o usufruto do ben. (art. 9.2 Ordenanza Fiscal nº 53).
  • Bonificación do 95% se a renda neta da unidade familiar dividida polo número de membros é igual ou inferior ao IPREM
  • Bonificación do 70% se a renda neta da unidade familiar dividida polo número de membros é superior ao IPREM e ata o dobre do IPREM
  • Bonificación do 30% se a renda neta da unidade familiar dividida polo número de membros é superior ao dobre do IPREM e ata o triplo do IPREM
  • Bonificación do 20% se a renda neta da unidade familiar dividida polo número de membros é superior ao triplo do IPREM

- Entenderase por vivenda habitual aquela unidade urbana de uso residencial na que residise habitualmente o causante á data de falecemento, presumíndose como tal aquela en a que figure empadroado.

Para os efectos do gozo da bonificación, equipararase ao cónxuxe a quen convivise co causante con análoga relación de afectividade polo menos dureante un ano e acredíteo mediante certificado de inscrición no rexistro de Parellas de feito de Galicia.