Si, do mesmo xeito que no caso das altas, existe a obriga de presentar declaración de baixa mediante o modelo normalizado ou a través da sede electrónica dentro do mes seguinte á finalización da actividade.

En aplicación do artigo 14.2 da Lei 39/2015, de procedemento administrativo común, teñen a obriga de realizar este trámite, a través da Sede electrónica, sempre que se configurase este procedemento na plataforma: a) As persoas xurídicas. b) As entidades sen personalidade xurídica (asociacións, sociedades civís, comunidades de persoas propietarias etc.). c) Quen exerza unha actividade profesional para a que se requira colexiación obrigatoria, para os trámites e actuacións que realicen coas administracións públicas en exercicio da devandita actividade profesional. En todo caso, dentro deste colectivo entenderanse incluídos os notarios e rexistradores da propiedade e mercantís. d) Quen represente a unha persoa interesada que estea obrigada a relacionarse electronicamente coa Administración.