Selección de contos, cancións, rimas asonantes e consonantes... palabras, palabras... que cobran vida a través do xogo e a imaxinación.

Todo "conta" nesta sesión de contos; a "contacontos" utilizará o seu propio corpo, a súa voz, luvas-animais, obxectos (os obxectos están vivos, teñen o seu fluír, posúen historias, texturas, palabras, sons rápidos ou lentos) e, por suposto, libros (libros como caixiñas que encerran cores, personaxes, palabras).

Acompañada pola música de Mónica Botella (guitarra, acordeón, sansula, segunda voz...) e outros instrumentos que tocará para envolver a Candela e a todas as persoas que se acheguen a escoitar e sentir as súas historias.

• Dirección e interpretación: Eugenia Manzanera
• Música en directo e espazo sonoro: Mónica Botella
• Texto: Eugenia Manzanera / tradición oral
• Deseño de posta en escena, luces, vestiario: MELANERA

VENDA DE ENTRADAS

• www.ataquilla.com
• Despacho de billetes da praza de Ourense (excepto festivos): de luns a venres das 11.00 ás 15.00 h e das 16.30 ás 19.30 h
• Despacho de billetes do Ágora: dende unha hora antes do comezo do espectáculo (sempre que queden entradas dispoñibles).

PAGAMENTOS: no despacho de billetes da praza de Ourense, no do Ágora e na venda en liña con tarxeta de débito ou crédito, excepto American Express.