As crianzas de até os seis anos teñen unha cita nas vacacións de Nadal. O Servizo de Normalización Lingüística do Concello da Coruña organiza o Día do Apego, que se desenvolverá o vindeiro mércores 28 de decembro das 16.00 h ás 20.00 h no Centro Ágora.

O Concello da Coruña quérelles agradecer a todas as familias a súa pertenza ao programa Apego e convidar outras novas a se sumaren a esta iniciativa que pretende axudar á socialización en galego e á transmisión interxeracional da nosa lingua.

A inscrición será gratuíta.

Programa

• Día do Apego: Brazolinda. Espazo de xogo  Dende as 16.00 h ás 19.00 h na aula 8 haberá un espazo de entrada libre para coñecer a mostra de xogos para a primeira infancia.
• Día do Apego. "Derriba da Lúa", de Rilo e Penadique  Unha actividade dirixida a crianzas de 0 a 3 anos que durará arredor de 30 minutos.
• Día do Apego: "Toupiciencia"  Unha actividade dirixida a crianzas de 3 a 6 anos que durará arredor de 40 minutos.
• Día do Apego: "Saaabor!", de Fran Rei e Félix Rodríguez  No auditorio poñerémoslle o ramo á festa cunha actuación dunha hora de duración. Entrada libre ata completar a capacidade.

Podedes consultar as condicións de cada unha das actividades, así como o xeito de inscrición, na nosa axenda.