Ano 2735. Despois dunha incrible viaxe no tempo, Pelica de Burra, a nosa protagonista, aterra nun futuro sen xogos, contos, música... terrible. Ante isto, decide regresar ao pasado para atopar as palabras perdidas: "Peliquiña Meee, por aquí non é!, tampouco, entón... onde?" Este retrouso levaranos cara á solución dun mundo sen diversión. 

Pelica de burra é un espectáculo-obradoiro de narración oral e música para primeira infancia da man da narradora e educadora Vero Rilo acompañada do músico Luis Iglesias. Música, narración oral, tradición, xogos de colo, arrolos, igualdade e moito conto é o que se achega nesta nova proposta. 

A actividade desenvolverase na aula 8 do Centro Ágora e haberá dous pases: 

• "Pelica de burra", de Vero Rilo e Luis Iglesias, ás 17.00 h
• "Pelica de burra", de Vero Rilo e Luis Iglesias, ás 18.30 h

Hai que se inscribir previamente no horario escollido en https://www.coruna.gal/lingua/gl/axenda/proximas-inscricions

Pídese puntualidade. 

Organiza Normalización Lingüística do Concello da Coruña dentro do programa Apego.