Estreamos o novo espectáculo de Paco Nogueiras que dedica aos animais máis próximos e aos seus sons convertidos en divertidas cancións.

Moi preto de nós viven toda clase de animais. Hainos grandes, pequenos, con pelo, con plumas, con rabo..., todos especiais e diferentes. E todos co seu son. O bruar dunha vaca, o miañar dun gato, o ladrar dun can, o cacarexar dunha galiña ou o zunido do mosquito convértense en divertidas cancións que nos levan polo mundo a través de diferentes estilos musicais: dende un aire portugués aos ritmos do leste de Europa, dende unha balada acústica a un animado rock.

Preparémonos para cantar como animais, pois o gran son dos nosos amigos animais está a piques de comezar a soar.

A actividade desenvolverase na aula 8 do Centro Ágora.

Pídese puntualidade.

Organiza Normalización Lingüística do Concello da Coruña dentro do programa Apego.