A árbore de nadal que cada ano instala o Aquarium Finisterrae conta nesta ocasión con adornos confeccionados polo alumnado, profesorado e familias da Escola Infantil Municipal Monte Alto. Os adornos, creados con materiais sinxelos e respectuosos coa natureza, representan motivos mariños e reflicten a visión do océano dos nenos e nenas desta escola, visitantes habituais do Aquarium.

As colaboracións dos escolares son habituais desde os inicios do Aquarium Finisterrae, comezando xa cos contidos da sala Maremagnum, que responden as preguntas realizadas desde os centros educativos por nenos e nenas de colexios galegos nunha campaña lanzada cando se estaba creando o centro.

Tamén contouse coa colaboración do público familiar para a elaboración de pequenas esculturas utilizando residuos e lixo plástica recuperada das praias galegas. Estas creacións forman parte da guirnalda que recibe a exposición temporal sobre a reprodución dos seres mariños da sala Humboldt.