A Área de Innovación, Industria, Emprego e Consumo quere potenciar os mercados porque son un referente na nosa cidade e na sociedade coruñesa. Queremos amosar a calidade dos mercados potenciando a súa imaxe para favorecer o consumo responsable. O lema da nova marca dos mercados municipais déixao moi claro: "O valor do noso". Os mercados do futuro deberán ser centros nos que non só sexa posible mercar produtos de calidade e saudables, senón que sexan tamén puntos de encontro, de intercambio cultural e de lecer. O obxectivo é dinamizar os mercados para poñer en valor a súa importancia e a do consumo de produtos frescos e de calidade que podemos atopar e mercar neles.