Concello da Coruña

Os itinerarios integrados de inserción sociolaboral teñen como finalidade facilitar unha alternativa de emprego a persoas con dificultades de inserción, favorecer a inclusión social e a conciliación da vida persoal e laboral.

Os itinerarios defínense, no proxecto Rede Coruña Emprega II, como un proceso integral e personalizado polo que pasan as persoas en situación de desemprego, co obxectivo de facilitar a súa inserción sociolaboral.

Son perfís dos itinerarios integrados de inserción persoas en situación de desemprego e inscritas como demandantes no Servizo Público de Emprego, que ademais reúnan algún dos seguintes condicionantes asociados:

• Mocidade menor de 30 anos sen formación habilitante
• Maiores de 45 anos
• En paro de longa duración
• Persoas afectadas por unha minusvalía física, psíquica ou sensorial
• Persoas sometidas a malos tratos físicos ou psíquicos
• Persoas en proceso de reinserción social
• Persoas pertencentes a etnias desfavorecidas ou minoritarias na sociedade
• Inmigrantes ou emigrantes retornados
• Coidadores e coidadoras non profesionais que atenden a persoas en situación de dependencia
• Persoas pertencentes a outros colectivos en risco de exclusión social e laboral

Os Itinerarios Integrados de Inserción implican a posta en marcha dun procedemento de actuación que contempla o paso por diferentes fases descritas no cadro adxunto.