A Concellería de Benestar Social organiza de novo este ano os campamentos de Nadal nos centros cívicos para menores de 4 a 12 anos, para así facilitar a conciliación familiar durante as vacacións escolares de decembro e xaneiro.

CARACTERÍSTICAS E REQUISITOS DE PARTICIPACIÓN NOS CAMPAMENTOS URBANOS DE NADAL:

• DÍAS DE REALIZACIÓN: 23, 26, 27, 30 de decembro 2024 e 2, 3 e 7 de xaneiro 2025.
• HORARIO E CUSTO POR PARTICIPANTE:
  • Xeral: de luns a venres das 10.00 ás 14.00 h: 26 €
  • Ampliado: de luns a venres das 9.00 ás 14.30 h: 32 €

CENTROS ONDE SE PODE SOLICITAR O HORARIO AMPLIADO OU O XERAL

• Centro Cívico Monte Alto
• Centro Cívico Novo Mesoiro
• Centro Cívico Municipal de San Diego
• Centro Cívico Municipal Os Rosales
• Centro Cívico Municipal Os Mallos
• Centro Cívico Municipal Castrillón
• Centro Cívico Novoboandanza

No Centro Cívico Castro de Elviña o horario será das 11.00 ás 13.00 h.

CENTROS ONDE SE PODE SOLICITAR SÓ O HORARIO XERAL

• Centro Cívico Monelos
• Centro Cívico Elviña
• Centro Cívico Labañou
• Centro Cívico Palavea
• Centro Cívico Cidade Vella
• Centro Cívico Eirís
• Centro Cívico Pescadores
• Centro Cívico San Pedro de Visma
• Centro Cívico Artesáns
• Centro Cívico Feáns
• Centro Cívico A Silva
• Centro Cívico Castro de Elviña
• Centro Cívico Santa Lucia
• Centro Cívico Sagrada Familia

No Centro Cívico Castro de Elviña o horario será das 11.00 ás 13.00 h.

PREINSCRICIÓN

25, 26 e 27 de novembro

Dúas modalidades:

• Preferentemente en liña a través do formulario dispoñible na seguinte ligazón Preinscrición en campamentos de Nadal . O formulario estará aberto desde as 8.00 h do día 25 de novembro ata as 23.59 h do día 27 de novembro.
• Telefonicamente, no número 695 133 494 en horario de atención das 9.00 ás 20.00 horas ininterrompidamente.

LISTAS DE PREINSCRICIÓN

Poderanse consultar o 2 de decembro nos centros cívicos, nesta web ou no teléfono 010 de información cidadá.

RECLAMACIÓNS Á LISTAXE DE PREINSCRICIÓN:

O día 3 de decembro, enviando un correo electrónico co motivo da reclamación a jacobo.rocha@formaziona.com ou chamando ao número de teléfono 695 133 494.

Tamén no 010 se lles facilitará o número de teléfono da empresa ás persoas que chamen para presentar unha reclamación.

Estas reclamacións soamente se referirán ás solicitudes presentadas en prazo:

- Que non se atopan na listaxe de preinscricións.

- Que teñan un erro no horario solicitado ou nos datos de identificación.

SORTEO:

5 de decembro ás 10.00 h en cada sede do campamento onde se realizou a preinscrición.

O sorteo das prazas de menores con necesidades educativas especiais realizarase á mesma hora no Centro Cívico Municipal de Monelos.

PUBLICACIÓN DE LISTAS DE ADMISIÓNS E ESPERA:

Poderanse consultar o 10 de decembro nos centros cívicos, nesta web ou no teléfono 010 de información cidadá.

INSCRICIÓN E PAGO:

11, 12, 13 e 14 de decembro. Para realizar o pago farase desde esta ligazón, á cal se accede tamén dende o QR que hai no cartel de información-resumo dos campamentos que aparece abaixo, no documento anexo.

En caso de dúbida coa inscrición, pódese chamar a este número de teléfono 600 522 799, cuxo horario de atención durante as datas de inscrición será das 10.00 ás 13.30 h ou contactar co seguinte correo: vitae.coruna@grupovitae.com

XESTIÓN DA LISTA DE ESPERA: a partir do 16 de decembro avisaranse as familias a través do correo electrónico que indicaron na preinscrición.

Información xeral e recomendacións

• Terán preferencia as e os menores empadroados no Concello da Coruña.
• Reservarase un 20% de prazas para persoas beneficiarias de programas sociais.
• Cada grupo estará formado por 15 menores e deberá haber un mínimo de 9 para formar grupo.
• Soamente se poderá presentar unha preinscrición por menor, en caso contrario anularanse todas.

• Ofertaranse prazas para menores con diversidade funcional en grao que non lles impida participar nas actividades co grupo. As prazas de diversidade funcional terán un sorteo propio, diferenciado do sorteo da cota xeral.
• Para unha correcta atención de menores que soliciten praza pola cota de diversidade funcional, deberase cubrir unha ficha de coñecemento persoal no momento da preinscrición.
• Non formalizar a inscrición no prazo e horario establecido supoñerá a perda de dereito á praza.
• Unha vez realizado o pago do campamento non se terá dereito á devolución, excepto por causas imputables a quen preste o servizo.
• Os horarios do campamento ampliado e xeral son de obrigado cumprimento, tanto á entrada como á saída.
• Na modalidade de horario ampliado, requiriranse como mínimo 6 participantes para realizar grupo.
• Se unha/un menor resulta admitida/o e ten irmás ou irmáns co número correlativo de preinscrición, ben sexa posterior ou anterior, todas/os obterán praza, coa condición de que pertenzan á mesma cota.

• Levar roupa e calzado cómodo
• Non levar aparellos electrónicos, videoconsolas, móbiles, diñeiro ou obxectos de valor. A organización non se fará responsable das perdas que se poidan producir durante o campamento.
• É aconsellable que non asistan aos campamentos os e as menores que teñan enfermidades contaxiosas ou que presenten algún dos seguintes síntomas: febre, vómitos, diarrea, aftas na boca, chagas, dificultade respiratoria, conxuntivite, erupcións, alteracións atípicas na pel, ter piollos ou lendias, ou calquera síntoma relacionado coa COVID-19.