O principal obxectivo das accións de sensibilización cidadá é dar a coñecer a realidade cotiá das persoas con discapacidade, a través de actividades prácticas destinadas a axentes comunitarios e á cidadanía en xeral.

Destacan en especial, polo seu carácter práctico e participativo, as accións desenvolvidas en centros escolares en colaboración co Servizo Municipal de Educación e as desenvolvidas na Rede Municipal de Centros Cívicos con motivo da conmemoración do Día Internacional da Discapacidade.

Outro dos seus fins prioritarios é difundir o traballo realizado por persoas con discapacidade en centros ocupacionais e centros especiais de emprego da cidade a través da mostra "Máis que capaces" que permite promocionar de forma conxunta a venda dos produtos realizados.

As datas destas accións son:

• Conmemoración Día Internacional da Discapacidade (3 de decembro)
• Mostra: Máis que Capaces (decembro)
• Obradoiros de sensibilización escolar en colaboración co Servizo Municipal de Educación (de xaneiro a xuño).