Solicitude de PADSS (Programa de Atención Domiciliaria Sociosanitaria)
En que consiste?:
Esta solicitude deberá facerse nos Departamentos de Traballo Social dos hospitais públicos.
A quen vai dirixido?:
Persoas empadroadas na Coruña e con residencia efectiva que, tras sufrir unha intervención médica, requiran un período de convalecencia no que precisen apoio para a realización das actividades básicas da vida diaria e o seu contorno sociofamiliar non estea en condicións de prestárllelo. Este servizo está orientado a persoas que poidan recuperar a autonomía tras ese período.
Persoas empadroadas na Coruña e con residencia efectiva que segundo criterio médico se encontren en situación terminal e non conten co apoio sociofamiliar preciso para a realización de tarefas de atención persoal de carácter básico.
Organismo responsable:
Ayuntamiento
Prazo de presentación:
Durante todo o ano.
Canles de presentación
Presencial
Que se necesita?:
- Fotocopia do DNI/NIF, pasaporte ou NIE en caso de persoas estranxeiras, do solicitante e de todos os membros da unidade de convivencia computables para os efectos de capacidade económica.
- Informe médico sobre o estado de saúde, tratamento médico prescrito, existencia de alerxias alimentarias, dieta, etc. expedido polo facultativo da sanidade pública.
- Fotocopia da tarxeta sanitaria da persoa solicitante.
- En caso de afiliación diferente á Seguridade Social, xustificante da Mutualidade correspondente que acredite a delegación do servizo solicitado.
- Fotocopia do libro de familia no caso de que o Servizo de Axuda a Domicilio se preste a menores de idade.
- Certificado de patrimonio emitido pola Consellería de Facenda da persoa solicitante e de todos os membros computables da unidade de convivencia.
- Certificado de recoñecemento de grao e nivel de dependencia e/ou certificado de minusvalía da persoa solicitante.
- Documentación acreditativa de ingresos:
- Certificado de pensións, prestacións, nóminas da persoa solicitante e membros da unidade de convivencia computables para os efectos de capacidade económica.
- Fotocopia da declaración da renda ou certificado negativo dela expedido pola Axencia Tributaria do último exercicio económico, da persoa solicitante e membros da unidade de convivencia computable. Poderase substituír pola autorización asinada que consta na solicitude, a favor do Concello da Coruña para realizar as comprobacións oportunas.
- En caso de contar con ingresos non acreditables, declaración responsable de ingresos acompañada de certificado negativo expedido pola Axencia Tributaria.
- Folla da domiciliación bancaria (para o pago solidario)
- Copia compulsada do DNI do representante legal ou guardador de feito, se é o caso.
Como se fai?:
Solicítase nos departamentos de Traballo Social dos centros hospitalarios de carácter público, mediante entrevista persoal co/a traballador/a social.
Internet
Teléfono
Máis información:
É imprescindible unha valoración técnica para a súa concesión.
Tes un navegador demasiado antigo!
Sentímolo pero o teu navegador é moi antigo para poder mostrar esta páxina. Debes de actualizalo ou usar un navegador compatible. Optimizamos esta web para Google Chrome, Mozilla Firefox, Opera, Safari e Microsoft Edge. Instalar agora un navegador compatible