O 17 de marzo publicouse no Boletín Oficial da Provincia a convocatoria de bolsas comedor para o curso escolar 2025/2026.

A solicitude específica, os anexos e o resto de documentación esixida na convocatoria poderanse presentar nos rexistros municipais, no rexistro telemático da sede electrónica municipal, así como en calquera outro dos previstos no art. 16.4 da Lei 39/2015, do 1 de outubro, do procedemento administrativo común das administracións públicas, do 18 de marzo ao 4 de abril de 2025.

Os impresos estarán dispoñibles nas oficinas de todos os rexistros municipais, nos centros cívicos municipais e na sede electrónica.

Requisitos

Entre outros:

• Dispoñer de DNI, NIE ou número de identificación fiscal válido (NIF) antes da finalización do prazo de corrección
• Estar empadroado/a no Concello da Coruña
• Matrícula ou solicitude de matrícula nun centro educativo do termo municipal da Coruña 
• Realizar as xestións para ter asignada, ao comezo do curso escolar, unha das prazas na modalidade presencial
• Asistencia continuada de luns a venres durante todo o período lectivo, de setembro 2025 a xuño 2026

A solicitude realizarase a nome da persoa beneficiaria (alumna/o) e deberá asinar a solicitude a persoa que represente legalmente a alumna ou alumno, no caso de que sexa menor de idade.

O trámite e a documentación pódense descargar nesta ligazón Bolsas comedor convocatoria 2025 . As bases da convocatoria están na pestana "Sobre o procedemento" e os documentos atópanse na pestana "Presentación".

Todas as listaxes obxecto de publicación (requirimento de corrección, listaxe provisional...) identificarán a solicitude do alumnado atendendo ao código do seu expediente individual. Para facilitar a identificación do expediente de cada persoa solicitante, con cada publicación no taboleiro de anuncios que se realice ata a resolución da convocatoria, publicarase unha lista que identificará a totalidade das solicitudes presentadas no rexistro segundo o seu código de asento, xunto co número de expediente individual asignado e a data de entrada da solicitude no rexistro. No caso de que se producise unha duplicidade na solicitude, a información sobre a axuda virá referenciada ao primeiro asento rexistrado da persoa solicitante.