Nesta ligazón: Convocatoria de Bono Taxi para o ano 2025 pódese consultar a información relativa á convocatoria así como aceder á súa tramitación. A convocatoria está publicada no Boletín Oficial da Provincia.

O prazo para a solicitude é desde o día 18.12.2024 ata o día 17.01.2025 (ambos os días incluídos).

As persoas beneficiarias, ademais dos previstos con carácter xeral no artigo 13 da Lei xeral de subvencións, deberán cumprir os seguintes requisitos:

• Ser maior de 3 anos.
• Residir no termo municipal do Concello da Coruña e constar como empadroada nel.
• Ter recoñecida legalmente a condición de persoa con discapacidade mediante resolución (ou documento equivalente) do organismo competente da Xunta de Galicia ou Administración competente na que conste que a discapacidade afecta gravemente á súa mobilidade e que lle impide utilizar os transportes públicos colectivos.
• No caso de que a persoa solicitante estea en activo, non ter recoñecido este beneficio por convenio colectivo, contrato laboral ou calquera outro título acreditativo. Nin tampouco ter dereito a este servizo a través de ISFAS, MUFACE ou outra entidade.
• Non constar como titular de vehículo, segundo os datos rexistrados no Rexistro de Vehículos da Dirección Xeral de Tráfico.
• Non dispoñer dunha capacidade económica, calculada conforme ao establecido nas bases da convocatoria, superior ao 210% do IPREM vixente no ano 2024.
• Estar ao corrente das súas obrigas fiscais coa Axencia Estatal da Administración Tributaria (AEAT), co Concello da Coruña, así como coa Tesourería da Seguridade Social.