Neste apartado ofrecemos información específica de como proceder para o alugueiro das pistas de pádel municipais, situadas na Cidade Deportiva A Torre.
Localización das pistas de pádel:
As pistas de pádel municipais forman parte das instalacións da Cidade Deportiva da Torre.
Formalización do alugueiro:
Poderase realizar de dúas formas:
1) Telematicamente, a través da plataforma Cronos Web:
Ligazón para o acceso á plataforma: Acceso a Cronos Web.
Recomendamos consultar a guía de acceso e uso de Cronos Web, que se pode descargar na seguinte ligazón: Guía xeral de acceso a Cronos Web
NOTA: Para poder usar a plataforma Cronos Web é necesario estar previamente de alta na mesma. Esta alta inicial farase, de modo presencial, no rexistro de Deportes de Riazor, presentando o DNI ou documento identificativo análogo (NIE, pasaporte etc.), e indicando unha dirección de correo electrónico, que será a que permita posteriormente o acceso á plataforma en liña.
2) Presencialmente, acudindo á Oficina de Rexistro do Palacio de Deportes de Riazor, preferentemente con Cita Previa.
Tarifa 2024 (Ordenanza Fiscal nº 15):
Uso libre para actividade física. Partido individual ou dobres/unha hora: 3,18 €