Apetéceche gozar dunha experiencia relaxante e sorprendente baseada nos beneficios da auga? Termaria é a túa mellor opción para o relax e o descanso en pleno centro da cidade.

Durante a época estival é moi recomendable que camiñes polo Paseo Marítimo e aproveites para te mergullares nas augas das dúas grandes praias urbanas da Coruña: O Orzán e Riazor. Mesmo podes aproveitar para sacar a túa táboa de surf e montar as ondas do areal do Matadoiro. Cando finalices estas actividades non haberá mellor espazo de recuperación que as instalacións de Termaria.

O centro canaliza a auga do mar polo que as súas piscinas posúen as propiedades dos sales minerais, lodos e algas mariñas do Atlántico. A auga mariña quéntase a unha temperatura similar á do corpo humano e os elementos penetran na pel cos seus correspondentes efectos terapéuticos. Sabías que a auga mariña é rica en cloruro de sodio, cloruro de magnesio e cloruro de potasio, entre outros? Estas substancias son similares ás do plasma sanguíneo, polo que o teu corpo absorberá o mellor delas axudando a mellorar a túa saúde.

As vantaxes desta experiencia non se limitan ao verán. No inverno tamén é un pracer realizar o circuíto termal ademais de ser unha opción saudable que, sen dúbida, o teu corpo agradecerá.

O complexo conta cun circuíto innovador con zonas de contraste, corredores de choiva, ou o desexado pediluvio. Saltarás de piscina en piscina a través de canles acuáticas a diferentes temperaturas que están deseñadas para relaxar a musculatura e mellorar a circulación sanguínea.

Ademais do seu potente percorrido terapéutico, o centro de talasoterapia alberga diferentes saunas (tanto interiores como exteriores), fontes de xeo, terrazas con xardín exterior e salas de descanso con calor infravermella.

Con ganas de te mergullares en Termaria? Achégate e proba, non te defraudará.