Unha homenaxe ao bonito da Lonxa da Coruña da man dos mellores establecementos da cidade.
Do 16 de xullo ao 18 de agosto, nas Xornadas Gastronómicas A Coruña, QUE BONITO!, podes gozar de orixinais creacións culinarias elaboradas con este produto de gran valor gastronómico.
Os mellores restaurantes da Coruña, que comparten a paixón pola materia prima galega e de proximidade, elaboraron especialmente para esta ocasión deliciosas propostas tradicionais e vangardistas co bonito da Lonxa da Coruña como protagonista.
Estas xornadas son unha iniciativa do Concello da Coruña para poñer en valor a excepcional calidade deste produto do mar, potenciar a competitividade do turismo gastronómico na cidade e apoiar o sector da restauración.
Achégate a calquera dos 26 establecementos participantes e escolle o prato que máis che guste.
Podes descargar o folleto aquí: A Coruña, que bonito!
Bo proveito!