Uso de cookies nas páxinas web do Concello da Coruña

Empregamos cookies propias (de sesión, de personalización, de preferencias) para mellorar a experiencia do usuario a través do sitio web e cookies de terceiros xeradas por servizos ou provedores externos ao sitio web, que recollen datos estatísticos, de uso, gustos dos usuarios, etc. Ao aceptar todas as cookies, dá o seu consentimento expreso para que as cookies propias e de terceiros sexan rexistradas e utilizadas. Ao rexeitar as cookies, acepta que só se usarán as súas propias cookies para mellorar a experiencia do usuario. Podes obter máis información, ou saber como cambiar a configuración, na nosa páxina Normas de uso

Festivais e actividades gastronómicas

A Coruña é unha constante festa para o padal. Non hai evento que non se acompañe dun bo bocado atlántico.

Nunha cidade rica en sabores e materia prima como A Coruña non é de estrañar a ampla axenda de actividades e festividades gastronómicas. Celebradas nos propios establecementos ou en espazos singulares; conxugando o receitario máis tradicional coa contemporaneidade; de moito produto atlántico e Km 0; de tapeo, menú ou maridaxe; de catas e obradoiros. Citas gastronómicas que se converteron en punto de reunión perfecto para chefs, produtores e persoas ávidas de novas experiencias culinarias.

San Xoán: Festa de Interese Turístico Internacional

A noite de San Xoán, do 23 ao 24 de xuño, é a noite máis máxica do ano e a gran festa da Coruña, declarada Festa de Interese Turístico Internacional. Os barrios rebulen con alegría, música e sardiñadas. Non esquezas cumprir coa tradición! Tes que probar as sardiñas asadas sobre broa (pan de millo), que ten a consistencia perfecta para servir de apoio e permíteche degustalas cos dedos. Non será o único que probes, nas grellas están moi presentes as churrascadas, os chourizos...

Lacónicas, Xornadas do Lacón con Grelos

O Lacón con grelos é o noso prato por excelencia do Entroido.

A Coruña, que bonito!

Unha homenaxe ao bonito da Lonxa da Coruña da man dos mellores establecementos da cidade.

Concurso de Tapas Picadillo

Nin máis nin menos que dezasete edicións avalan a traxectoria do Concurso de Tapas Picadillo, o máis antigo de Galicia, que procura coñecer cal é a mellor tapa creativa, tradicional e a que ofrece a mellor maridanza.

Boucatise, Festival Bocadillo Gourmet

O mes de decembro ten moito sabor na Coruña. Boucatise, o Festival de Bocadillo Gourmet, reúne as mellores creacións culinarias en formato bocadillo nun dos espazos máis singulares da cidade, o mercado de abastos de San Agustín.

Xornadas Territorio Atlántico – Reserva de Biosfera

Durante a celebración das Xornadas Territorio Atlántico - Reserva de Biosfera descubrirás unha oferta de menús degustación, pratos e experiencias gastronómicas deseñadas por varios restaurantes da cidade, que comparten a paixón pola materia prima galega e de proximidade, elaborando deliciosas propostas con produtor de proximidade, da Reserva de Biosfera Mariñas Coruñesas e Terras do Mandeo. A nosa despensa km 0.