Follado

Mesturamos todos os ingredientes, excepto a manteiga e os amasamos ata conseguir unha mestura homoxénea. Cando estea lista, dámoslle forma rectangular e colocamos dentro, coa mesma forma pero máis pequena, a manteiga en pomada, xa que debemos envolvela coa masa sen que salga fóra. Tapamos a manteiga dobrando as esquinas da masa, quitamos o exceso de fariña e estiramos a masa. A continuación dámoslle unha volta sinxela, que consiste en dobrar a masa en dúas metades, primeiro un lateral da masa cara ao centro e despois o outro extremo encima desta dobrez. Envolvemos a masa en filme e metémola na neveira media hora.

Pasado este tempo, volvemos estirar a masa e dámoslle unha volta dobre, xuntando os laterais da masa no centro desta e dobrándoa despois á metade. Intercalamos un total de tres voltas sinxelas e dúas dobres, con media hora de repouso na neveira entre cada unha. Cando acabemos o proceso estiramos a masa, fina, nunha placa e enfornámola a 175ºC durante 27 minutos.

Quentamos a lume lento todos os ingredientes excepto a nata, o chocolate branco e a xelatina. Removemos continuamente ata que chegue aos 85ºC. É o momento de engadir a cobertura de chocolate branco. Coamos a mestura e engadímoslle as follas de xelatina. A crema arrefríase na neveira tapada con filme e, cando baixe a súa temperatura, engadímoslle a nata semi montada moi amodo para que non perda consistencia.

Preparación

Abrir o follado ao longo e encher coa crema de vainilla e chocolate branco. Empoar con azucre glasé.