Poetas dende a Ucraína ata o Ecuador inauguran o oitavo ano consecutivo de Poetas di(n)versos
Para público en xeral
Dende o 24/10/2016 ata o 12/12/2016
Xa rematou
20.30 h
Centro Sociocultural Ágora. Lugar da Gramela 17. 15010 A Coruña
Entrada libre até completar a capacidade
O ciclo de recitais poéticos promovido pola Concellaría de Cultura do Concello da Coruña e dirixido pola tamén poeta e dinamizadora cultural Yolanda Castaño está no seu oitavo ano consecutivo. Por un curso máis dende 2009, o auditorio do Ágora será escenario para algunhas das mellores voces da poesía galega e mundial, que se darán cita cada mes en actos abertos e gratuítos.
Reunidos por parellas con algún fío condutor ou factor común, e presentados e conducidos pola coordinadora do proxecto, os seus versos soarán en lingua orixinal, aínda que irán seguidos de traducións ao galego no caso dos extranxeiros/as. Todas as lecturas terán lugar ás 20:30h do serán, editarase un folleto políptico cunha mostra dos seus traballos e unha libraría das que fornecen de poesía á cidade porá á venda exemplares dos seus libros.
POETAS DI(N)VERSOS segue a ser o único ciclo estable que -de xeito regular, neste caso mensualmente- acolle a poetas internacionais en toda España. Unha iniciativa pioneira en Galicia que mereceu o Premio da Crítica Galicia á mellor Iniciativa Cultural 2014. Máis dun cento de autoras e autores en linguas masivas e minoritarias se teñen dado cita ante un público capaz de cuestionar o carácter elitista da poesía. Poetas dende Australia ata o Xapón, dende Cuba ata a India, de Eslovenia a Singapur, de Siria ao Canadá, de Exipto ata Letonia, de Alxeria ata o Perú pasando por unha boa manchea de magníficas voces de noso. Un xeito de poñer en valor a literatura feita en galego e de abrir ben os ouvidos cara todo o que se está a producir lonxe de aquí, á par enriba do mesmo escenario.
Luns 24 de outubro
Tanto esta cabeza visible da "Xeración dos 90" como a voz da nova poesía ucraína saben tratar o que acontece cunha delicadeza evocadora.
Luns 28 de novembro
A honestidade brutal de dous poetas que rexeitan toda máscara e impostura, xa dende o sur de Galicia xa dende o mesmo Ecuador.
Luns 12 de decembro
A máis potente revelación da poesía italiana a carón da xoia galega do Slam Poetry. Dúas performers cheas de forza e talento.
Nos actos, dunha duración por volta dunha hora, poderanse conseguir sinaturas dos convidados/as.
23/09/2024
Dende o 16/09/2024 ata o 21/09/2024
Requiere inscrición
30/09/2024
Acceso libre ata completar capacidade
07/10/2024
Acceso libre ata completar capacidade
Dende o 12/08/2024 ata o 08/01/2025
Sentímolo pero o teu navegador é moi antigo para poder mostrar esta páxina. Debes de actualizalo ou usar un navegador compatible. Optimizamos esta web para Google Chrome, Mozilla Firefox, Opera, Safari e Microsoft Edge. Instalar agora un navegador compatible