19 de agosto de 2024
A formación actuará na praza a partir das 21.00 horas con entrada de balde
A Orquestra de Cámara Galega tomará este martes o relevo da Orquestra GAOS na programación da Semana Clásica das Festas de María Pita 2024. A formación dirixida por Rogelio Groba Otero actuará na praza de María Pita a partir das 21.00 horas con entrada de balde.
Fundada en 1995 polo seu director-concertino, Rogelio Groba Otero, a Orquestra de Cámara Galega cumpre cun ambicioso plan de difusión no que mestura clásicos e novos repertorios. A súa calidade interpretativa permítelle abarcar un amplo repertorio, desde o barroco ata os nosos días, asumindo o compromiso de dar a coñecer a música de compositores galegos, cunha especial mención á obra de Rogelio Groba Groba.
Nesta ocasión, subirán ao escenario de María Pita coa pianista italiana Elisa D'Auria como solista. A pianista actuou con orquestras de toda Europa, América e Ásia e conta con premios en máis de corenta competicións nacionais e internacionais. Con ela, interpretarán obras do mestre Groba, Mendelssohn e A.C. Gomes.
A Semana Clásica continuará o xoves 22 coa actuación da Orquestra Xoven Sinfónica de Galicia xunto a Diana Navarro. Ademais, este mércores 21 haberá un concerto de Amizades en María Pita, tamén ás 21.00 horas con entrada de balde. Con estas dúas actuación pecharase o verán musical na praza.
29 de agosto de 2024
28 de agosto de 2024
27 de agosto de 2024
Lo sentimos pero tu navegador es muy antiguo para poder mostrar esta página. Debes de actualizarlo o usar un navegador compatible. Hemos optimizado esta web para Google Chrome, Mozilla Firefox, Opera, Safari y Microsoft Edge. Instalar ahora un navegador compatible