11 de septiembre de 2024
Tras completar a primeira fase da reforma no antigo centro de Padre Rubinos, que supuxo a creación de novas dependencias, o Goberno de Inés Rey xa está a tramitar os programas de acompañamento social na instalación
O Concello licitou o servizo de atención a persoas sen fogar no Centro de Atención Social Continuada do barrio de Labañou, onde a mediados deste verán viron a luz as novas instalacións destinadas a esta finalidade social tras completarse a primeira fase das obras de reforma no antigo centro da Institución Benéfico Social Padre Rubinos.
Desta forma, o Goberno de Inés Rey avanza nos trámites necesarios para abrir ao uso o Centro de Atención Social Continuada, onde se informará, asesorará e acompañará ás persoas usuarias, impulsando procesos de normalización e inclusión social co obxectivo de facilitarlles unha transición cara a unha vida independente, superando situacións de desarraigamento ou deterioración persoal.
Cómpre lembrar que, ademais do investimento asociado ao servizo de atención ás persoas sen fogar, o Concello destinou máis de 700.000 euros aos traballos de rehabilitación que xa se executaron no edificio, onde se levaron a cabo melloras tanto na planta baixa como no semisoto do inmoble, espazos que se reconfiguraron para a creación de novas dependencias. Desta forma, porase en funcionamento cunha capacidade para atender a 40 persoas usuarias.
Xa a futuro, na segunda fase prevista no proxecto de recuperación do centro, ampliaranse os espazos dispoñibles para acoller a máis usuarias e usuarios. Esta segunda fase executarase sobre o sector oeste da planta baixa.
Neste sentido, o Centro de Atención Social Continuada da avenida de Labañou complementará os demais recursos cos que conta o Concello para atender a persoas en situación de exclusión social y permitirá que dispoñan de espazos de descanso, facendo uso das instalacións no horario nocturno que se estipule. Entre as novas dependencias destacan as salas polivalentes que se habilitarán para as persoas usuarias, así como o ambigú e aseos.
A concelleira de Benestar Social, Igualdade e Participación, Nereida Canosa, lembrou que "cada persoa sen fogar vén de vivir circunstancias distintas, un aspecto que tanto o Concello como as asociacións do terceiro sector temos en conta á hora de activar programas de apoio ás persoas usuarias, para axudarlles no seu período de transición cara a unha vida normalizada".
5 de septiembre de 2024
28 de agosto de 2024
27 de agosto de 2024
Lo sentimos pero tu navegador es muy antiguo para poder mostrar esta página. Debes de actualizarlo o usar un navegador compatible. Hemos optimizado esta web para Google Chrome, Mozilla Firefox, Opera, Safari y Microsoft Edge. Instalar ahora un navegador compatible