Concello da Coruña

A composición, competencias, organización e funcionamento do Tribunal Económico-Administrativo Municipal da Coruña, así como o procedemento das reclamacións regúlase no Regulamento do órgano para a resolución de reclamacións económico-administrativas aprobado polo Concello e publicado no BOP o 13 de decembro de 2004.

O regulamento orgánico sinala que o TEAM estará integrado por un número impar de membros, e formarase, polo menos, co presidente e dous vogais, un dos cales desempeña ademais a función de secretario do tribunal e serán designados polo pleno co voto favorable da maioría absoluta dos membros que legalmente o integren, entre persoas de recoñecida competencia técnica.

Para garantir esta competencia técnica, o regulamento orgánico dispón que todos os integrantes do tribunal deberán de ser ou ter sido funcionarios do grupo A ou equivalente, en servizo activo ou non, de calquera Administración pública e valorarase especialmente a súa experiencia na carreira xudicial, a administración tributaria do Estado, das comunidades autónomas ou das corporacións locais e o profesorado universitario na disciplina de Dereito Tributario.

Na actualidade o tribunal está formado polos seguintes membros:

• Presidente: D. Fernando Seoane Prado
• Vogal-secretario: D. José Antonio Gómez García
• Vogal: D. Isidro Frías Pinedo

Normativa

Memorias