Ano Internacional de María Casares: Na Coruña
- Inicio
- María Casares
- Na Coruña
Infancia e familia
Muller nacida en 1922 na cidade da Coruña, no seo dunha familia de "señoritos" por vía paterna e de "cigarreiras" pola materna, as lembranzas que María Casares gardou das xentes, da cultura e, incluso, do ambiente en que naceu e foi criada foron precisas e fondas, ata o punto de que no seu libro de memorias Residente privilexiada non hai máis gran protagonismo que a súa familia, as amizades da infancia e unha Galicia "atlántica".
Santiago Casares Quiroga foi concelleiro e seu avó Santiago Casares Paz foi alcalde da Coruña no 1917.
A familia viviu no número 12 da rúa Panadeiras, nesa mesma rúa o número 56 albergaba o despacho de avogados familiar. No número 28 tamén residía a súa mellor amiga, que o sería de por vida, Pilar López-Nóvoa. María Casares conservou sempre dúas fotografias exteriores da casa familiar.
María Casares foi alumna do Colexio Francés da Coruña en 1928, onde asistiu ás súas primeiras representacións cinematográficas e a clases de recitación. Será nesta escola onde comeza relacións duradeiras de amizade con José Naya Freijido e con Pilar López-Nóvoa.
Ela sempre dixo que o seu primeiro e máis doloroso exilio foi ter que trasladarse da Coruña a Madrid con 8 anos.
María Casares definiuse en base a dúas ideas:
- A súa infancia coruñesa e súa orixe galega
- A lealdade ao exilio republicano
Tes un navegador demasiado antigo!
Sentímolo pero o teu navegador é moi antigo para poder mostrar esta páxina. Debes de actualizalo ou usar un navegador compatible. Optimizamos esta web para Google Chrome, Mozilla Firefox, Opera, Safari e Microsoft Edge. Instalar agora un navegador compatible