O prazo de inscrición para o IV Intercambio escolar do Eixo Atlántico abrirase o próximo 13 de xaneiro de 2025. A inscrición deberana realizar os centros educativos a través da ficha de inscrición.

O prazo de inscrición permanecerá aberto ata o 31 de xaneiro de 2025.

Data límite para presentala memoria coa proposta do proxecto de actividades a realizar na Coruña: ata o 14 de marzo de 2025.

As memorias presentaranse a través do correo electrónico: educacion@coruna.gal, coa mención no asunto "IV Concurso Intercambio Escolar Eixo Atlántico ".

Máis información na páxina do programa IV Intercambio Escolar Eixo Atlántico 2024-25

Sobre o IV Intercambio escolar do Eixo Atlántico

Este programa ten como obxectivos: facilitar o intercambio entre estudantes dos diversos municipios do Eixo Atlántico; promover o coñecemento dos municipios integrantes do Eixo Atlántico, así como o seu patrimonio cultural, natural e inmaterial; concienciar aos escolares da importancia de vivir nunha Eurorrexión; e promover a realización de experiencias didácticas que potencien o uso do municipio como recurso didáctico.