- Inicio
- Programas Educativos
- Detalle programa
IV Intercambio Escolar Eixo Atlántico 2024-25
Con este programa búscase facilitar o intercambio entre escolares dos diferentes municipios de Galicia e do norte de Portugal integrantes do Eixo Atlántico, para compartir experiencias entre escolares; especificamente, darlle a coñecer a cidade da Coruña ao alumnado dun centro educativo dun municipio portugués por determinar por sorteo.
Os intercambios escolares terán lugar durante 2 ou 3 días nos meses de abril ou maio de 2025.
Localización do centro:
Só da Coruña
Servizo municipal:
Educación
Tipo de actividade:
Outras
Titularidade do centro:
Público
A quen vai dirixido?:
Alumnado que curse 5.º o 6.º de educación primaria durante o curso 2024/2025, pertencente a un centro público do municipio da Coruña.
Un grupo escolar formado por un máximo de 30 participantes (entre o alumnado e 2 docentes)
Prezo / Custo:
Gratuíto
Os concellos da Coruña e Braga faranse cargo de todos os gastos (desprazamentos, aloxamento e comidas, seguros de viaxe e de responsabilidade civil e acompañamento) e do apoio na organización de vistas e itinerarios polas súas respectivas cidades.
Obxecto:
O Eixo Atlántico é unha asociación transfronteiriza de dereito público, formada por municipios e entidades da Administración Local que integran o sistema urbano da Eurorrexión Galicia - Norte de Portugal, que inclúe o Concello da Coruña.
No grupo de traballo de Educación e Cultura do mencionado Eixo, lévase varios anos desenvolvendo o proxecto Intercambios Escolares, cos seguintes obxectivos:
- Promover entre o estudantado e docentes o coñecemento do seu municipio, dos municipios integrantes do Eixo Atlántico e do propio Eixo Atlántico, así como do seu patrimonio (cultural, natural, inmaterial).
- Facilitar o intercambio entre estudantes dos diversos municipios do Eixo Atlántico .
- Concienciar o estudantado da importancia de vivir nun municipio integrante do Eixo Atlántico e que conforman unha Eurorrexión.
- Promover a realización de experiencias didácticas que potencien o uso do municipio como recurso educador.
Os intercambios terán lugar durante 2 ou 3 días nos meses de abril e maio de 2025, nas datas que se determinen por ambos os municipios, de acordo cos centros educativos participantes.
SERVIZOS
- Os desprazamentos de ida e volta A Coruña-Braga, para o alumnado seleccionado da Coruña e 2 docentes acompañantes e un/unha técnico/a municipal.
- Aloxamento en Braga do grupo seleccionado, en hotel ou albergue en réxime de pensión completa.
- O seguro de viaxe e de responsabilidade civil.
- O aloxamento hostaleiro en habitacións dobres e triplas con pensión completa do grupo visitante de Braga na Coruña.
- Acompañamento dun/dunha monitor/a nas actividades na Coruña.
- Os desprazamentos pola cidade da Coruña do grupo seleccionado e aqueloutros gastos que se consideren necesarios para levar a cabo os obxectivos deste programa.
- Como novidade, o Concello da Coruña organizará unha ou tres sesións de coñecemento da lingua portuguesa para o grupo seleccionado neste programa.
REQUISITOS
- Un grupo escolar formado por un máximo de 30 participantes (alumnado e 2 docentes), de 5.º ou 6.º de educación primaria dun centro público do Concello da Coruña.
- O grupo seleccionado será simultaneamente "grupo anfitrión" e "grupo visitante".
- Deberá inscribirse e presentar unha proposta de proxecto de actividades para desenvolver na Coruña con grupo visitante portugués, para darlles a coñecer a cidade.
- Estes proxectos poden incluír: a descrición do municipio, o patrimonio (cultural, natural e inmaterial), a súa cultura e costumes, as festas, os barrios, o noso centro educativo e o seu barrio, o porto, as infraestruturas, a economía e a sostibilidade, as tecnoloxías, as oportunidades de lecer, como vemos a cidade no presente, proxectos futuros...; coa condición de que se enmarquen dentro da problemática e realidade da nosa cidade. Así como a previsión de actividades na cidade e no centro educativo.
PRESENTACIÓN DA MEMORIA
Os grupos participantes deberán presentar unha memoria, coas seguintes características:
- Orixinal e en lingua galega.
- Extensión máxima de 20 follas en letra Arial 11 por cara con interlineado simple.
- Unha folla inicial que incluirá: o nome e obxecto do proxecto, nome do centro educativo, nome do grupo ao que pertence o traballo (5.º A, 6.º C...), e o profesorado responsable del.
- O proxecto poderá ir acompañado de vídeos, fotografías, planos, maquetas ou calquera outra explicación do proxecto nun arquivo adxunto á memoria principal.
- Excluiranse os proxectos que non cumpran cos requisitos esixidos.
FORMA E PRESENTACIÓN DA MEMORIA
A memoria presentarase a través do correo electrónico: educacion@coruna.gal, coa mención no asunto "IV Concurso Intercambio Escolar Eixo Atlántico ".
Cando:
Dende o 01/04/2025 ata o 30/05/2025
No sorteo realizado pola organización do Eixo Atlántico o día 5 de decembro de 2024, entre as cidades galegas e as portuguesas do Eixo Atlántico participantes no programa, para o curso 2024/2025 a nosa cidade quedou emparellada co municipio portugués de Braga.
Inscricións:
Dende o 13/01/2025 ata o 31/01/2025
- Prazo de inscrición: a inscrición deberana realizar os centros educativos durante o mes de xaneiro de 2025, a través da ficha de inscrición.
- Data límite para presentar a memoria coa proposta do proxecto de actividades para realizar na Coruña: ata o 14 de marzo de 2025.
As memorias presentaranse a través do correo electrónico: educacion@coruna.gal, coa mención no asunto "IV Concurso Intercambio Escolar Eixo Atlántico ".
Contacto:
Requisitos:
As condicións do programa están recollidas nas bases reguladoras do Concurso IV Intercambio Escolar do Eixo Atlántico 2024/2025.
Organiza:
Concellos da Coruña e Braga (Portugal), coa colaboración do Eixo Atlántico
Documentos:
Intercambio Escolar Eixo Atlántico . Bases do concurso de selección (310 KB)
Novas relacionadas
Eventos relacionados
Síguenos en
Tes un navegador demasiado antigo!
Sentímolo pero o teu navegador é moi antigo para poder mostrar esta páxina. Debes de actualizalo ou usar un navegador compatible. Optimizamos esta web para Google Chrome, Mozilla Firefox, Opera, Safari e Microsoft Edge. Instalar agora un navegador compatible