Durante este período debe inscribirse o alumnado que se incorpora por primeira vez no sistema educativo (maioritariamente en 4.º curso de educación infantil) e aqueles alumnos e alumnas de educación infantil, primaria, ESO e bacharelato que desexan cambiar de centro escolar.

Do 15/01/2025 ao 04/02/2025 está aberto o período de reserva de praza para o alumnado que finaliza etapa educativa no seu centro actual e inicia unha nova etapa no centro adscrito que lle corresponda.

Unha vez pechado o prazo de solicitudes, as listaxes provisionais de persoas admitidas e excluídas publicaranse o día 25 de abril, as definitivas o 15 de maio e os prazos de formalización de matrícula serán do 20 ao 30 de xuño para o alumnado de infantil e primaria e do 23 de xuño ao 7 de xullo para os de ESO e bacharelato.

Ademais dos procedementos e dos prazos sinalados, a organización do próximo curso incorpora tamén as medidas do acordo de mellora do ensino blindadas a través da Lei de medidas fiscais e administrativas da Xunta de Galicia para 2025, entre as que se inclúe a redución progresiva do rateo máximo de 20 alumnos/as por aula que comezou a aplicarse no presente curso para 4.º de educación infantil e que se amplía a 5.º curso de infantil no próximo 2025/2026.

Podes consultar máis información sobre o proceso nos documentos adxuntos.