O venres 13 de decembro, un total de 291 escolares de Educación Primaria de diferentes CEIP do Concello da Coruña inscritos no programa Arte e cultura no centro 2024-25 asistirán á representación da obra de teatro "Compaña", da compañía Xampito Pato.

A través da obra, que ten unha duración aproximada de 50 minutos, preséntasenos a un personaxe que explora a súa imaxinación para darlle vida a cada un dos seus pensamentos. A través deste proceso consegue sentirse acompañado e levar o público por un camiño cheo de sorpresas e risas.

Esta actividade forma parte do programa "Arte e cultura no centro 2024-25", que ofrece unha experiencia educativa que complementa a xornada escolar de nenos e nenas, promovendo o seu desenvolvemento integral a través dun amplo abano de actividades artísticas e culturais nunha contorna lúdica.